Radar
Partia në krizë aq të thellë, sa elektorati është detyruar të rikthejë Sali Berishën!
Në foto: Nevila Bami
Nevila Bami, ish kryetare e PD-së në Lushnje, pjesëmarrëse në Foltoren e Sali Berishës, ka qenë e ftuar në një lidhje direkte në emisionin “Të Paekspozuarit, në MCN TV.
Ajo foli për arsyet përse sot Sali Berisha është shpresa e vetme për PD-në dhe krizën e thellë ku ndodhet partia, nën drejtimin e Lulzim Bashës.
Pjesë nga biseda:
Nevila Bami: Në këto tetë vite në PD janë thyer shumë rregulla dhe norma të funksionimit të një partie. Vendimet janë marrë abuzive. Kryetari i partisë duhet të jetë produkt politik i partive, të vijë nga seksioni dhe grup seksioni, të njohë mënyrën si zhvillohen ngjarjet në bazë. Ne nuk patëm mundësi që kryetari i zgjedhur në vititn 2013, të ishte produkt i partisë.
Zoti Basha, duhej që rrotull vetes të kishte këshilltarë, për të krijuar bazë normale të udhëheqjes së partisë. Më rezulton se ky grup njerëzit që gjenden pranë Bashës, kanë krijuar vetëm skema klientelistë nëpër degë. Unë dhe shume të tjerë si unë, kemi vendosur të bëhemi pjësë për t’i dhënë shtysë PD-së. Ne nuk jemi bërë pjesë e skemave klienteliste dhe është ndjekur pjesa e largimit dhe aneksimit të funksioneve tona. PD është në krizë aq të thellë, sa i gjithë elektorati i djathëtë është i detyruar të riktheje Sali Berishën.
PD vuan nga krizë besimi dhe pushteti. Duke u nisur edhe nga cilësitë e zotit Berisha, që është bashkëpunues, ka qenë privilegj që në vitet e drejtimit të tij, kemi patur privilegj të bashkëpunojmë. Mundt ë ketë bërë gabime, por Berisha nuk ka tradhtuar kauzën e demokratëve! Foltorja duhet të jetë një fillim për të gjithë demokratët, për të reformuar PD-në. Duhet të jetë një hap i madh në reformimin e Partisë Demokratike.
Arjan Curri: A ka më zoti Berisha, kohë, mundësi, energji për të marrë drejtimin e vendit apo partisë?
Nevila Bami: Me sa duket dhe me sa po shohim, në të gjithë takimet që organizohen doktor Berisha po reflekton energji, pozitivitet, ka karizëm. Cfarë i duhet më tepër?
Arjan Curri: Ndoshta një i ri. Do të doja të shihja të rinj, por në PD e kanë kult Berishën. Sa kohë të jetë gjallë do ta kërkojnë, rikërkojnë.
