Një dekadë më parë, Daniel Ek i bindi studiot muzikore dhe artistët që të transmetonin këngët e tyre në Spotify, duke ringjallur industrinë muzikore. Tani, pasi ka grumbulluar një pasuri prej 4.4 miliardë dollarësh, ai po shkon përtej  yjeve të Pop-it, duke hapur platformën e tij në tregime, biseda të drejtpërdrejta dhe një lloji të ri krijuesish audio në një përpjekje për të zotëruar veshët dixhitalë të botës.javascript:”;

Kompania ka bërë një rrugë të gjatë që kur Ek veshi me ngurrim një kostum dhe kravatë për të pozuar për kopertinën e numrit të parë të Forbes “30 Under 30” dhjetë vjet më parë. Në atë kohë, në janar 2012, Spotify kishte vetëm 500 punonjës, 300 milionë dollarë në shitje dhe një vlerësim prej 2 miliardë dollarësh. Shërbimi ishte i disponueshëm në Amerikë për vetëm gjashtë muaj. Sot, platforma e Ek luan në 184 vende, ka 7,400 punonjës dhe 9.7 miliardë dollarë shitje vjetore. Spotify doli në publik në 2018-ën dhe Ek-i cili në vitin 2012 kishte një pasuri në letër prej 300 milionë dollarësh- tani vlen 4.4 miliardë dollarë.

“Spotify ishte forca që kaloi qindra milionë përdorues nga pirateria në klientët me pagesë”, thotë Sean Parker, i cili, si bashkëthemelues i Napster, konsiderohej si famëkeqi i biznesit muzikor përpara se të bëhej presidenti i parë i Facebook dhe një investitor i Spotify. “Nuk është ekzagjerim të thuhet se Danieli shpëtoi industrinë e muzikës.”

Kur Spotify mbërriti në SHBA në vitin 2011, transmetimi ishte një biznes prej 600 milionë dollarësh, që përbënte 4% të të ardhurave vjetore globale të industrisë muzikore. Në vitin 2020, shërbimet e transmetimit dhanë 13.4 miliardë dollarë shitje, që përfaqësojnë 62% të të ardhurave të industrisë. Vitin e kaluar, Spotify pagoi 5 miliardë dollarë për mbajtësit e të drejtave, kryesisht kompanitë e mëdha, të cilat ia kaluan rreth 500 milionë dollarë prej tyre artistëve të regjistrimit. “Le të jemi të vërtetë,” thotë Ek. “Nuk e kisha idenë se ndikimi kulturor dhe monetar i Spotify do të ishte ndonjëherë kaq i madh.”

Tani ai dëshiron të arrijë edhe më shumë. Lërini gjigantët e tjerë të medias të luftojnë për syrin; Spotify po ndjek veshët e botës. “Të gjithë e nënvlerësojnë audion. Duhet të jetë një industri qindra miliardë dollarëshe,” thotë Ek. “Audio është e jona për të fituar.”

Ai po e shndërron Spotify në destinacionin e duhur për të gjithë tingujt dixhitalë: jo vetëm muzikë, por lajme, tregime, biseda të drejtpërdrejta, libra audio dhe edukim. Ai dëshiron të sigurojë mjetet për të fuqizuar krijuesit audio që të ëndërrojnë në kategori krejtësisht të reja me pamje të freskëta zanore. Të gjitha këto do të ekzekutohen përmes algoritmeve të fuqizuar nga AI të Spotify për të ofruar një transmetim audio të personalizuar për çdo dëgjues. Atë që TikTok, YouTube dhe Instagram kanë bërë për fotot dhe videot, Ek dëshiron të bëjë për zërin.

I rritur në lagjen e ashpër Ragsved të Stokholmit, ai kishte një talent të natyrshëm për muzikë dhe kodim. Në shkollën e mesme ai krijoi faqe interneti për bizneset lokale, më pas e braktisi kolegjin gjatë vitit të tij të parë për të ndërtuar një kompani reklamash dixhitale që më vonë ia shiti tregtarit online Tradedoubler për më shumë se 1 milion dollarë. Vetëm 22 vjeç, Ek bleu një Ferrari dhe shishe në klube të mrekullueshme përpara se jeta e yllit të rock-ut ta linte atë në depresion. Ai u tërhoq në një kabinë të largët për t’u fokusuar në rregullimin e muzikës dixhitale. Në vitin 2006, ai u bashkua me bashkëthemeluesin e Tradedoubler, Martin Lorentzon – bashkëthemelues dhe drejtor i Spotify, i cili ka një vlerë prej 5.8 miliardë dollarësh falë financimit të një pjese të madhe të ditëve të para të transmetimit. Dyshja nisi të ndërtonte një faqe muzikore të bazuar në reklama me lehtësinë e iTunes, shpejtësinë e Google, ndarjen e Facebook dhe bibliotekën masive muzikore të Napster-por legal.

Sfida ishte pjesë teknike, pjesërisht kontraktuale. Ek ishte i fiksuar pas një dizajni që funksiononte pa probleme në desktop dhe tregun në shpërthim të smartfonëve. Inxhinierët e tij krijuan një sistem të zgjuar shpërndarjeje duke përdorur një kombinim të serverëve fizikë, kompjuterit cloud dhe ndarjes së skedarëve nga kolegët, që lejon miliona njerëz të kenë akses në dhjetëra miliona këngë në të njëjtën kohë.

Forbes