Pavarësisht nëse duam ta pranojmë apo jo, sytjenat nuk lahen aq shpesh sa të brendshmet. Dhe zakonisht është “testi i nuhatjes” ai që vendos nëse sytjenat duhet të futen në lavatriçe apo të vendosen përsëri. Rezulton që femrat mund të mos i pastrojnë sutjenat aq sa duhet, por kjo mund të shkaktojë disa problematika.

Lexoni më poshtë për arsyet pse duhet t’i lani më shpesh këto të brendshme.

Mos larja e reçipetave mund të bëhet shkak për shfaqjen e baktereve

E vërteta është që bakteret i duan vendet me lagështi , si zona nën gjoksin tuaj.

Kombinimi i djersës dhe vaji i lëkurës kontribuon gjithashtu në shtimin e këtyre mikrobeve, të cilat si përfundim grumbullohen brenda fibrave të sytjena.

Akumulimi i baktereve mund të shkaktojë irritim të lëkurës

Aknet e fytyrës nuk janë ndonjë gjë e veçantë, por dhe një sytjenë e pistë mund të shkaktojë irritime rreth zonës gjirit, sidomos për ata që kanë lëkurë të ndjeshme.

Mund të ndodhë edhe irritimi i thithkave kur ka fërkime të vazhdueshme midis pëlhurës së ndotur dhe lëkurës së djersitur.

Megjithatë, sipas dermatologëve rreziqet e marrjes së një infeksioni serioz nga sytjenat janë të ulëta nëse lani i rregullisht dhe respektoni higjenën.

Era e keqe nga sytjenat e pista mund të depërtojë nëpër rrobat tuaja

Mbajtja e sytjenave për një kohë të gjatë krijon aroma të pakëndshme të cilat mund të depërtojnë lehtësisht në tërë veshjen tuaj.

Për aromat e forta që nuk largohen me larje, ekspertët sugjerojnë përdorimin e uthullës, pasi neutralizon aromat.

Temperatura e larjes është gjithashtu një faktor i rëndësishëm. Sutjenat prej pambuku dhe ato sintetike mund të lahen me ujë të ngrohtë, ndërsa ato të mëndafshta dhe me materiale të përziera duhet të pastrohen në një temperaturë më të ftohtë.

Njollat ??e djersës dhe deodorantit mund të shkatërrojnë pëlhurën e sytjenit tuaj

Nëse vëreni vija të verdha përgjatë anëve të sytjenave tuaja, kjo ka shumë të ngjarë të jetë rezultat i djersës së përzier me vajra, papastërti dhe locione. Kimia e trupit tuaj mund luajë rol gjithashtu në zbardhjen e ngjyrës, në varësi të faktit nëse keni lëkurë me acid apo bazë.

Ka disa mënyra për të hequr këto shenja, të cilat përfshijnë përdorimin e heqësve të njollave ose pastrimin me një furçë dhëmbësh.

Sutjenat me ngjyrë të errët gjithashtu mund të zhvillojnë linja të bardha të imta, e cila është veçse një kripë minerale që vjen nga djersa jonë. Nëse shihni këto njolla të lehta, është e qartë se është koha për të larë të brendshmet tuaja.

Si rregull i përgjithshëm, gratë duhet të lajnë sutjenat e tyre pas 2-3 “përdorimesh”

Së pari, ne duhet të përcaktojmë se çfarë do të thotë “përdorim”. Sipas një dermatologu, disa orë me djersitje minimale mund të mos llogariten si një konsum i plotë, por disa orë me djersitje të rëndë mund të jenë lehtësisht 2 deri në 3 përdorime.

Faktorë të rëndësishëm për t’u marrë parasysh për të vendosur se sa shpesh duhet të lani sytjenat tuaja janë se sa lëkurë të yndyrshme keni dhe sa shpesh djersitni.

“Kujdesi për sutjenat” është i rëndësishëm dhe ja disa këshilla

-Përdorni sytjenat tuaja në mënyrë alternative. Mbipërdorimi i reçipetave tuaja të preferuara mund të dëmtojë formën, kupat dhe rripat.

-Mbërtheni rripin përpara se të lani ose vendoseni sytjena brenda një qese rrjetë, në mënyrë që të mos ngatërrohet me rrobat e tjera.

-Përdorni ciklin më të butë të makinës larëse për të ruajtur elasticitetin e të brendshmeve tuaja.

-Kur i thani, sigurohuni që kupat të jenë të pozicionuara në formën e tyre natyrale.

-Shmangni përdorimin e tharëses për sytjenat pasi nxehtësia nuk ndikojnë për mirë.