Mix
Të mbash një sekret? Një torturë e vërtetë
Të gjithë e kemi mbajtur të paktën një sekret në jetën tonë. Disa nga ato sekrete mund të mbesin vetëm në trurin tonë për disa vite, disa për disa orë, e madje disa edhe tërë jetën.
Por, pas së gjithash, mbajtja e sekreteve është e vështirë për t’u mbajtur pavarësisht sa shumë përpiqeni.
Në fakt, hulumtimet e fundit tregojnë se mbajtja e sekreteve nuk është gjë e mirë për shëndetin mendor.
Studimi, i publikuar në “PsycNET”, ka zbuluar se mbajtja e një sekreti mund ta rritë shqetësimin dhe stresin tek individët, e kjo normalisht ka ndikim në mendjen e tyre.
Shkencëtarët sugjerojnë se shëndeti i dobët mendor mund të ketë të bëjë më pak me rëndësinë e sekreteve, dhe më shumë me presionin për ta mbajtur sekretin në kokë dhe për t’u kujdesur të mos ia tregoni askujt.
