Radar
Skandal në festivalin e RTSH-së, pamjet e Zani Çaushit publikohen si sfond i këngës Jon’ të Ardit Gjebreas
Duket se këtë vit, Festivali i 60-të i Këngës në RTSH nuk do kalojë pa debate dhe zhurmë.
Mbrëmë, në natën e dytë të festivalit në Pallatin e Kongreseve nuk kaluan pa u vënë re pamjet që ishte përzgjedhur në LED Wall-in e skenës, teksa luhej kënga ‘Jon’ e Ardit Gjebreas.
Gjatë kohës që luhej kënga, në sfond u shfaqën pamje të Zani Çaushit me bandën e tij si dhe Azem Hajdari. Ndonëse kënga flet për një nga momentet më të vështira të shqiptarëve, për eksodin e vitit 1991 kur shumë shqiptarë u larguan përtej kufijve, pamjet në sfond binin ndesh.
Nuk dihet nëse pamjet kanë qenë të qëllimshme, apo ka patur ndonjë ‘problem teknik’ por Zani Çaushi nuk ka asnjë lidhje me eksodin e shqiptarëve. Myrteza Çaushi ishte kreu i një prej bandave në qytetin e Vlorës, gjatë trazirave të vitit 1997.
Këto imazhe, madje kanë ngjallur edhe reagimin e publikut në rrjetet sociale.
