Si një histori filmash, e ka cilësuar jetën e saj në një rrëfim në shtëpinë e Big Brother Vip aktorja Arjola Demiri. Kjo nuk është hera e parë që aktorja nga Tropoja tregon për vështirësitë që ka pasur si pasojë e divorcit me babain e tre fëmijëve. Ajo ka treguar se ishte vetëm 21 vjeç kur ka sjellë në jetë fëmijën e saj të parë ndërsa rrëfeu edhe tradhtinë e ish-bashkëshortit që e çoi në divorc. Aktorja tha se gjatë asaj periudhe ka përjetuar depresion, ndërsa ka menduar edhe vetëvrasjen.

“Në 2014 u ktheva nga Suedia në Tropojë. I përulem prindërve të mi që më hapën derën pa çarë kokën se çfarë thoshin të tjerët. Nëna ime ka marrë borxh për fëmijët e mi. Depresioni më kishte lëshuar në tokë. Ngjitem në katin e tretë të shtëpisë dhe po matesha të vetëvritesha, mami më vjen nga pas edhe më thotë e di sa kam vuajtur që t’ju, ishte e dhimbshme, jo se nuk e dija por më tha ku do t’i lësh fëmijët e tu, do të mallkojnë shtëpitë.

Për hir të tyre vendosa të ngrihem në këmbë, mami im nuk ka qenë dakord për divorcin, por që unë të luftoja dhe të mos hiqja dorë. Është e vështirë që vajzave në Tropojë që vajzave t’u hapet dera. Ajo nuk është dakord për vendimin që kam marrë sepse kam thënë që jeta ime i dedikohet tre fëmijëve të mi dhe ndoshta s’do martohem më kurë. Kam dashur t’i kërkoj falje publike sepse i kam shkaktuar shumë dhimbje dhe e ka vuajtur ajo më shumë ndarjen time se sa unë. Do doja t’i kërkoja falje të madhe”, u shpreh Arjola Demiri