Alergjia është një fenomen shëndetsor që është e vështirë të dallohet. Shumë njerëz mendojnë se alergjia ndaj ushqimit dhe mospranimi i ushqimit nga organizmi janë e njëjta gjë.

Mospranimi i një lloj ushqimi nga organizmi është çrregullim metabolik që nuk ka lidhje me sistemin imunitar.

Kemi njerëz që pinë qumësht, bëhen me dhimbje barku dhe ndjejnë fryrje. Kjo ndodh sepse organizmi nuk e pranon një ushqim të tillë, stomaku nuk është në gjendje ta përpunojë atë, pra problemi lidhet me metabolizmin.

Alegjia është një përpjekje për të mbrojtur organizmin, sistemi imunitar krijon imunoglobulinë, lloj antitrupash, të cilët reagojnë ndaj ushqimit dhe kimikateve të tjera që bëhen shkak për simptoma të alergjisë që mund të prekin sistemin e frymëmarrjes, sistemin e tretjes, lëkurën dhe sistemin kardio-vaskular.

Simptomat e para të alergjive janë ënjtje të buzëve dhe gjuhës, vështirësi në frymëmarrje, përhapje të skuqjeve, të vjella, marrje fryme me zor, një rënie të menjëhershme të presionit të gjakut dhe rrëzim. Teshtimat e shpeshta, sy të skuqur, rrjedhje të hundëve, shpesh ndodh edhe që hundët të bllokohen, njolla në lëkurë etj.

Trajtimi për alergjinë nga ushqimi është shmangia plotësisht e ushqimit që shkakton alergjinë. Njerëzit që kanë një alergji të rëndë, duhet të tregohen të kujdesshëm për të shmangur dhe madje edhe prekur ushqimin ose ngrënë “gjurmë” të saj, që janë të pranishme në ushqimet e përpunuara.