Gazetari Flamur Vezaj nga Boston e ka cilësuar një dënim jo të nivelit të duhur 3.4 vite burg për ish ministrit të Brendshëm Saimir Tahiri.

Duke folur në një lidhje me Skype në emisionin ‘Politiko’ në Top News, Vezaj thotë se Tahiri u dënua sa një përdorues hashashi.

“E prisja një dënim shumë kohë më parë. Prisja një dënim tjetër se kemi pasë eksperienca të ndryshme në Shqipëri. I vuri në dispozicion makinën një grupi të strukturuar kriminal. Gjykata duke u gjetur në pozitat kur prokuroria nuk bëri punën sic duhet përfundoi në një dënim i tillë, ashtu dënohen përdoruesit e hashashit për 3 gram hashash. Një 22 vjecar në Rrogozhinë u dënua dhe vari veten.

Drejtorët që emëronte janë dënuar për trafik droge, dy shoqëruesit kryesor të Tahirit u arrestuan për trafik droge dhe ministri i brendshëm bën si i virgjër sikur nuk kishte dijeni”, tha Vezaj.

I pyetur nëse Tahiri është një ‘viktimë politike’ e presionit të fortë nga ambasadat apo opozita për të përmbushur nevojë të teatrit politik sikur drejtësia po funksionon, Vezaj thotë se kanabizimi  nuk ishte vetëm vullnet i Tahirit.

“Tahiri jam i bindur se ka informacione tjera si ish ministër. Kananbizimi nuk ishte vetëm vullnet i Tahirit.

Tahiri do bëjë 5-6 muaj burg dhe më pas do shijojë aspektin ekonomik. Me këtë vendim ndoshta SPAK nuk është në nivelin e duhur për të mbyllur historinë me kaq”, tha gazetari.