Dhëmbët janë një ndër pjesët kryesore në organizëm që secili nga ne përpiqet që ti mbrojë.

Shpesh kemi dëgjuar nga stomotologë të ndryshëm se si duhet të kujdesemi për shëndetin e dhëmbëve dhe pse shumë herë nuk i vëmë në zbatim këshillat e tyre.

Persona të ndryshëm mendojnë se dhëmbët duhet të lahen 2 herë në ditë, të tjerë theksojnë se të lash dhëmbët në darkë do të thotë se ato do të qëndrojnë të pastër pasi nuk ushqehemi më.

Nëse je në grupin e atyre njerëzve që e kanë pjesë të rutinës së tyre t’i lajnë dhëmbët dy herë në ditë, ka diçka që duhet ta dish.

Një dentist sqaron se të shkosh në shtrat pa larë dhëmbët është një ndër gabimet më të mëdha që mund të bëjmë për shëndetin e tyre.

Për më tepër, të gjitha përbërjet acide të ushqimeve që nuk largohen nga dhëmbët janë po ashtu një rrezik i shtuar, që mund të ndikojnë në rrënjët e dhëmbëve dhe kavitetin e tyre.

Të shkosh në shtrat pa larë dhëmbët është një gabim i madh dhe sa më shumë kohë të kalojë, aq më shumë dëme mund të të sjellë kjo neglizhencë.

“The American Dental Association” rekomandon që larja e dhëmbëve të bëhet të paktën dy herë në ditë dhe njëra prej këtyre dy herëve duhet të jetë patjetër para se të flesh.

Duke i larguar me furçë të gjitha bakteret nuk do t’u lësh atyre hapësirë të akomodohen në gojë dhe të jenë rrezik për të dëmtuar dhëmbët.

Dentistët rekomandojnë gjithashtu larjen e dhëmbëve pasi të zgjohesh në mëngjes dhe para se të flesh.