Dega e shkencës që merret me studimin e ëndrrave quhet onirologji, oniro do të thotë ëndërr në greqisht dhe logos fjalë ose mësim, dije. Ëndrrat janë përjetimi i shikimit të pamjeve, dëgjimit të tingujve, apo ndijimeve të tjera në gjumë. Njerëzit janë magjepsur prej ëndrrave shekuj më parë dhe poetët, filozofët i kanë interpretuar ato si fantazi romantike ose si manifestime të anës më të errët të natyrës njerëzore.

Ëndrra mund të shkaktojë përvoja dhe ndijime të ndryshme të fuqishme, si p.sh. kënaqësi, pikëllim, frikë, makthe etj.  Për të analizuar një ëndërr, nevojitet të përqendrohemi tek elementët ose simbolet e veçanta dhe më poshtë do të njiheni me interpretimin e 10 simboleve të ndryshme.

Kutitë: Mister, sekret dhe zhgënjim

Një kuti bosh do të thotë që ju do të zhgënjeheni për diçka në jetën tuaj. Nga ana tjetër, një kuti e hapur do të thotë që ju duhet të flisni me dikë për diçka që ju shqetëson.

Të biesh nga lartësitë: Humbja e kontrollit, risk dhe brengë

Frika e dështimit në jetën reale është pasiguri në ëndrrat tuaja. Ndjenja e rënies tregon se ju keni  humbur kontrollin mbi disa gjëra.

Macet: Spiritualitet, feminilitet dhe forcë

Mendja juaj po ju thotë se ju jeni të fortë. Nuk ka asgjë që mund t’ju shkatërrojë në këtë moment.

Dhëmbët: Shëndet dhe plakje

Duhet të keni kujdes me shëndetin tuaj dhe me regjimin ushqimor pasi dhëmbët lidhen drejtpërdrejt me plakjen e organizmit.

Milingonat: Punë e vështirë dhe nervozizëm

Milingonat në ëndërr simbolizojnë lidhje të fortë dhe marrëdhënie të shëndetshme  me të dashurit tuaj. Megjithatë kini kujdes nga disa persona që ushtrojnë presion mbi ju për t’ju hapur probleme.

Fluturim: Liri, kurajë dhe pozitivitet.

Nëse keni fluturuar në ëndërr, kjo do të thotë që ju jeni në prag të marrjes së një vendimi të madh që do t’ju lirojë.

Baltë: Shqetësim

Ju jeni të shqetësuar në lidhje me diçka. Kjo do të thotë që ju jeni të mbërthyer në një situatë dhe nuk  dini se çfarë rruge të merrni.