Dilema e Turqisë: Në cilën anë është Erdogani?

Ky është një artikull interesant, siç bën me dije titulli, që flet për rolin e Turqisë në luftën që po zhvillohet në Ukrainë.

Si po ‘noton’ Erdogani në ujërat e rrezikshme për të mbetur mik me Washingtonin dhe Moskën?

Është duke e armatosur dhe ndihmuar Ukrainën sikur të gjitha shtetet e Perëndimit dhe Rusisë ia ka mbyllur qarkullimin detar të anijeve ushtarake, por hapësirën ajrore ia ka lënë të hapur. Megjithatë, Putini duket që nuk është hidhëruar me këto veprime të Ankarasë për shkak se është duke llogaritur që një ditë Turqia të ndërhyjë mes tij dhe Perëndimit për ta shpëtuar nga fiaskoja ekonomike

Pjesë interesante nga ky artikull:

“Derisa Moska dhe Ankara shkëmbenin akuza në lidhje me të drejtat e tatarëve në Krime dhe bombardimeve në Siri, afaristët turq kanë ndertuar lidhje me Ukrainën. Në mënyrën më fatlume, Selçuk Bayraktar, një inxhinier 42 vjeçar i teknologjisë, i cili ka qëlluar të jetë i martuar me vajzën më të re të Erdoganit, i ka shitur qeverisë në Kiev një dyzinë drona të komapnisë së tij TB2. Dronët helikë janë relativisht të lirë (1 milion dollar që janë 40 herë më lirë se Reaperi amerikan), qëndrojnë në ajër për 24 orë dhe fluturojnë 130 km/h, që eshtë operim tejet përparësor. Operuesit e aftë ukrainas e kanë përdorur Bayraktarin për t’i krijuar armatimit rus efekte shkatërruese. Dhe, vetëm disa ditë para invazionit rus, Erdogani nënshkroi marrëveshje të tregtisë së lirë me Ukrainën.

Erdogani ka nevojë për Perëndimin aq sa ka nevojë për Rusinë. Ai është orvatur me dekada që ta bëjë Turqinë qendër në energji për Lindjen e Mesme, Azinë Qendrore, Rusinë dhe Evropën Jugore.

Turqia është bërë ‘tejet bashkëpunuese’ në çështjet e sigurisë. Së voni, Inteligjenca Turke ka parandaluar vrasjen e një afaristi izraelit, Yair Geller, dhe e ka goditur një organizatë sekrete iraniane që ka përgatitur kidnapime të disidentëve iranianë në Turqi”.

– The Spectator