Prioriteti i sistemit tuaj imunitar nuk ka qenë kurrë më i rëndësishëm, veçanërisht me nënvariantin shumë ngjitës Omicron, BA.2 , që po nxit një rritje tjetër të rasteve të Covid në mbarë botën.

Një imunologe thotë se ekzistojnë tre shenja kryesore paralajmëruese që mund të tregojnë nëse keni një sistem imunitar të dobët:

1. Sëmureni shpesh dhe ju duhet më shumë se zakonisht për t’u shëruar.

Mos u shqetësoni nëse sëmureni dy-tre herë në vit. Shumica e njerëzve kthehen në normalitet për rreth një javë.

Por nëse jeni duke u ftohur vazhdimisht me simptoma që zgjasin për javë të tëra, apo edhe helmoheni shpesh nga ushqimi, kjo mund të jetë për shkak të një reagimi të ngadaltë nga sistemi juaj imunitar i lindur.

2. Stresi i vazdueshëm

Disa lloje të stresit mund të jenë të dobishme për shëndetin tonë imunitar dhe mirëqenien e përgjithshme.

Për shembull, një stres akut afatshkurtër ndihmon trupin të mbingarkojë mekanizmat e tij mbrojtëse dhe ndihmon në rritjen imunitare në afat të shkurtër.

Në anën tjetër të spektrit të stresit, stresi kronik mund të jetë një lajm i keq, pasi shkakton një disrregullim imunologjik dhe shtypje të imunitetit, duke çuar në rritje të infeksioneve dhe shërim të dobët nga sëmundjet.

3. Ju shpesh keni herpes

Pasi të keni kontraktuar një virus herpes, ai kalon në një gjendje të fjetur në trup.

Megjithatë, kur jeni nën stres ose kur imuniteti juaj qelizor dobësohet, virusi mund të riprodhohet dhe riaktivizohet përsëri.

Duke parë riaktivizime të shpeshta mund të jetë një shenjë se sistemi juaj imunitar ka nevojë për një rritje.

Si të forconi sistemin tuaj imunitar

Lajmi i mirë është se pavarësisht nga statusi i elasticitetit tuaj imunitar, ju mund të ndërhyni çdo ditë për ta bërë atë më të fortë.

Këtu janë disa mënyra efektive për ta bërë këtë:

1. Ushqeni sistemin tuaj imunitar.

Qelizat e sistemit tonë imunitar kërkojnë një mori ushqimesh të pasura me antioksidantë – kryesisht fruta dhe perime të freskëta, veçanërisht ato të pasura me vitaminë C dhe beta-karotinë.

2. Merr pak diell.

Përveç përmirësimit të gjendjes shpirtërore, vetëm 10 deri në 15 minuta në ditë dritë me spektër të plotë mund të ofrojnë vitaminë D të mjaftueshme, një vitaminë e rëndësishme mbështetëse për imunitetin.

Disa të dhëna tregojnë se niveli i ulët i vitaminës D është një faktor rreziku për statusin e dobët imunitar, duke përfshirë sëmundjen autoimune dhe Covid-in.

3. Përqendrohuni te gjumi.

Cilësia dhe sasia e gjumit ka një ndikim të madh në elasticitetin imunitar. Privimi kronik i gjumit shoqërohet me inflamacion më të lartë dhe infeksione më të shpeshta.

4. Ndaloni duhanin.

Cigaret janë të dëmshme për traktin respirator, i cili është pengesa e parë e hyrjes për viruset dhe bakteret e ajrit.

5. Kufizoni përdorimin e alkoolit.

Alkooli ka efekte negative në shumicën e qelizave tona imune të lindura dhe adaptive. Pirja kronike dhe e tepërt dëmton gjithashtu shtresën e brendshme të traktit gastrointestinal, si dhe qelizat T mbrojtëse dhe neutrofilet në sistemin gastrointestinal. Kjo prish funksionin e barrierës së zorrëve dhe lejon rrjedhjen e mikrobeve në gjak, duke rezultuar në inflamacion.

6. Dyfishoni menaxhimin e stresit.

Një nga mënyrat më efektive për të forcuar përgjigjen tuaj imune është të menaxhoni stresin tuaj përmes meditimit, ushtrimeve të frymëmarrjes dhe aktiviteteve të tjera të ndërgjegjes.