Shkencëtarët kanë treguar se mund të “zbulojnë” ëndrrat tona

Një studim shkencor ndërkombëtar ka bërë një zbulim, pasi dëshmon se është e mundur të kapësh një bisedë me dikë që ëndërron, të bësh pyetje dhe të përgjigjesh.

Studimi është kryer nga studiues nga vende të ndryshme, si SHBA, Franca, Gjermania dhe Holanda dhe është publikuar në revistën shkencore Current Biology. Ai përfshinte 4 eksperimente të pavarura me 36 njerëz që kërkonin të shihnin ëndrra të qarta ose të vetëdijshme, që do të thotë se në ëndrrën e tyre e dinin se po ëndërronin.

Ka pasur disa herë kur studiuesit kanë arritur të kenë komunikim të dyanshëm, duke konfirmuar se është e mundur që njerëzit që ëndërrojnë të përgjigjen me një “po” ose një “jo”, të ndjekin udhëzimet, të zgjidhin probleme matematikore dhe të dallojnë stimujt e jashtëm. Përgjigja bëhet me lëvizje të syve ose të muskujve të tjerë të fytyrës

“Ne zbuluam se njerëzit në gjumë REM (ëndrra) mund të ndërveprojnë dhe të përfshihen në komunikim në kohë reale. Ne treguam gjithashtu se njerëzit në ëndërr janë në gjendje të kuptojnë pyetjet, të aktivizojnë kujtesën e tyre të punës dhe të japin përgjigje. Shumica e njerëzve do të mendonin se kjo ishte e pamundur, duke supozuar se ose do të zgjoheshin ose nuk do të ishin në gjendje të përgjigjen dhe se me siguri nuk do ta kuptonin një pyetje në gjumë,” tha studiuesi kryesor Ken Paller nga Northwestern.

“Qëllimi ynë eksperimental ishte i ngjashëm me gjetjen e një mënyre për të folur me një astronaut në një botë tjetër, përveç se në këtë rast bota tjetër është e përbërë tërësisht nga kujtimet e ruajtura në tru,” thanë studiuesit. Për të hedhur më shumë dritë mbi ëndrrat përmes dialogëve me ata që ëndërrojnë, fushë për të cilën shkenca nuk ka ende shumë përgjigje.

“Kombinimi i rezultateve nga katër laboratorë të ndryshëm duke përdorur qasje të ndryshme tregoi nga njëra anë në mënyrë shumë bindëse realitetin e fenomenit të komunikimit të dyanshëm gjatë ëndrrave dhe nga ana tjetër se mjete të ndryshme mund të përdoren për këtë komunikim”, tha studiuesi. Karen Konkoli.

Studiuesit kanë zhvilluar gjithashtu një aplikacion smartphone që i ndihmon përdoruesit të kenë ëndrra të ndërgjegjshme ose të kthjellta.