Marrëdhëniet martesore janë bashkime që fillojnë me “Unë dua” për të zgjatur për një jetë. Megjithatë, gjërat kanë ndryshuar kohët e fundit. Sipas statistikave, në SHBA, shkalla e divorcit lëviz rreth 43-46% për martesat për herë të parë. Dy të tretat e të gjitha divorceve iniciohen nga gratë, gjë që duket pak paradoksale pasi gratë dëshirojnë të martohen më shumë sesa partneri i tyre kur janë në një lidhje.

Gratë tundohen më shumë nga një karrierë e kënaqshme sesa nga roli i amvisës.

Më parë, burrat duhej të dilnin nga shtëpia për të sjellë para në shtëpi, ndërsa gratë duhej të qëndronin në shtëpi me fëmijët. Në ditët e sotme, gratë nuk janë më të gatshme të përballojnë status quo-në. Ato duan të jenë të arsimuara, të suksesshme dhe të kenë të ardhurat e tyre. Ndonjëherë rroga e tyre mund të jetë edhe më e madhe se e bashkshortit. Pra kanë pavarësinë e tyre.

Gratë shpesh marrin përsipër më shumë barrën emocionale.

Gratë duan mbështetje emocionale nga partnerët e tyre gjatë gjithë jetës. Nëse gruaja nuk mund të komunikojë me burrin e saj për problemet e tyre, ajo mund të fillojë të ndihet e vetmuar. Ndonëse meshkujt mund të mos i marrin seriozisht këto lloj çështjesh, kjo e dëmton atë – mendërisht, fizikisht dhe sigurisht emocionalisht. Me kalimin e kohës, ajo do të ndihet e lënë jashtë dhe emocionet e saj do ta pushtojnë, duke e bërë të pamundur mbajtjen e martesës.

Gratë nuk tolerojnë më sjellje të papranueshme, të vazhdueshme.

Duket se në ditët e sotme gratë kanë një tolerancë më të ulët ndaj sjelljeve të papërshtatshme se më parë. Nëse ka pabesi, abuzim emocional ose ndonjë lloj sjelljeje të dëmshme, gratë priren të kërkojnë divorc. Sipas një ndërmjetësi të divorcit “Gruaja moderne e sotme nuk ka më shumë gjasa të durojë tradhtinë. Pasi të përfundojë periudha e muajit të mjaltit, disa meshkuj ndryshojnë në mënyrë drastike sjelljen e tyre nga romantike, në kontrolluese. Fatkeqësisht, kjo ndodh në shumë martesa dhe gratë nuk duan ta durojnë më.

Gratë kanë pritshmëri të larta dhe komplekse për martesën.

Mediat sociale dhe filmat mund të kenë përhapur një imazh të gabuar për martesën. Nuk është gjithmonë fushë me lule. Ky bashkim kërkon punë, sakrifica, përkushtim dhe kryesisht respekt. Kur gratë përballen me realitetin, lindin tensione. Pritshmëritë tani janë rritur shumë më shumë se më parë. Gratë jo vetëm që duan të krijojnë një familje, por gjithashtu duan intimitet emocional, komunikim, rritje personale dhe përgjegjësi të përbashkët. Kur ajo kupton se këto kritere nuk plotësohen, ajo mund të kërkojë divorcin.

Divorci nuk i dëmton gratë.

Nëse gruaja është keqtrajtuar emocionalisht ose fizikisht gjatë marrëdhënies së saj martesore, divorci është mënyra e vetme që ajo të çlirohet. Gratë kanë luftuar për të drejtat e tyre për vite të tëra.

Burrat besojnë se do të kenë shumë për të humbur nëse do ta bëjnë ata kërkesën për divorc.

Ndonjëherë, arsyeja e vetme pse burrat nuk kërkojnë divorcin është sepse besojnë se nuk do të jenë të privilegjuar në gjykatë për sa i përket financave dhe kujdestarisë së fëmijëve. Ata mendojnë se burrat trajtohen keq në gjykatë, se në shumicën e rasteve gjykimi nuk është i drejtë. Edhe pas ndarjes, meshkujt preferojnë të mos bëjnë kërkesë për divorc dhe të presin që partnerja e tyre ta bëjë këtë. Në disa raste, ata janë të frikësuar nga ai proces dhe thjesht duan t’i kalojnë gjërat sa më shpejt që të jetë e mundur.