Ushqimet pikante kanë shumë përfitime shëndetësore, por nuk ndikojnë njësoj te të gjithë njerëzit. Disa thonë se është shumë i dëmshëm për shëndetin, por adhuruesit e ushqimit pikant e kundërshtojnë këtë.

Ushqimet pikante mund të shkaktojnë reaksione në organizëm dhe se çfarë do të jenë ato varet nga gjendja e përgjithshme shëndetësore e individit. Ndjesia e djegies në fyt nga këto ushqime nuk është aspak e dëmshme por problemi mund të jetë tjetkund.

Ushqimet pikante nuk duhet të konsumohen nga personat që vuajnë nga depresioni, tretja e vështirësuar, sindroma e zorrës së irrituar, sëmundja e Crohnit, urthi dhe hemorroidet.

Përfitimet e ushqimeve pikante

Sa i përket anëve të mira të kapsaicinës, përbërësit aktiv që i bën specat dhe barishtet e caktuara që i përdorim si erëza të nxehta, ato janë gjithashtu të pranishme. Kapsaicina përshpejton qarkullimin e gjakut dhe zgjeron enët e gjakut, gjë që parandalon formimin e mpiksjes së gjakut.

Kur jeni të ftohur, kjo substancë mund t’ju ndihmojë të merrni frymë dhe të ndiheni më mirë për momentin për shkak të qarkullimit të përshpejtuar, si dhe është e mirë edhe për zemrën.

Përveç kësaj, studimet tregojnë se kur hani ushqime pikante, temperatura e trupit tuaj rritet, e cila nga ana tjetër stimulon metabolizmin tuaj dhe rrit djegien e yndyrës deri në 16%. Si rezultat, trupi juaj djeg kalori më shpejt.