Sa paguhet zonjusha në televizionin në fjalë?

Punë ka…Edhe, kujt i duhet?!

Ajo që ndodhi në Top-Channel me moderatoren Erjola Doçi përbën rast për të kuptuar se pse në këtë vendin tonë modelet dominuese janë ato që shkojnë në të kundërt me atë që do të duhet të ishte.

E thjeshtë: zonjusha na tha se shpenzon 12 mijë euro në vit për kremëra. E mban puna e vet dhe familja.

Sa paguhet zonjusha në televizionin në fjalë?

Teza vrastare erdhi më pas : ne 2000 euro na bëjnë dy tagse.

Kush paguan kaq shumë në Shqipërinë e zhelosur ?

Mbi këto shifra të ilustruara mjaft lezetshëm me një hapje kremi mbi këmbë dhe një krehje këmbësh, shumëkush që po e bën sefte jetën dhe karrierën mund t’i bëjë pyetje vetes : për çfarë duhet të punoj ?

Pse duhet të mendoj aq gjatë për punën ? Dhe modeli që e vë në krizë vlerën e punës – e cila predikohet në mënyrë cinike nga një kryeministër që rend pas luksit – nuk gjendet në internet, apo në ndonjë periferi : shpërfaqet në një televizion kombëtar që kështu, predikon edhe vetë luksin, ekzagjerimin, pa marrë në pyetje se vërtet : nga vijnë këto para ?

/Respublica.al