Vitamina që lufton depresionin dhe ankthin

Vitamina që lufton depresionin dhe ankthin

Një mënyrë alternative për të reduktuar ankthin dhe depresionin propozohet nga studiuesit britanikë duke theksuar efektin pozitiv të një vitamine të caktuar, e cila përmirëson gjendjen tonë mendore.

Vitamina B6 duket se ndihmon në reduktimin e ankthit dhe depresionit, sipas një studimi të ri të botuar në revistën shkencore Human Psychopharmacology: Clinical and Experimental.

Studiuesit në Universitetin e Reading në Angli matën efektin e dozave të larta të vitaminës B6 tek të rinjtë dhe zbuluan se pjesëmarrësit në studim raportuan nivele më të ulëta ankthi dhe depresioni pas marrjes së suplementit çdo ditë për një muaj.

Sipas David Field, autori kryesor i studimit dhe profesor në Shkollën e Psikologjisë dhe Shkencave Klinike të Gjuhës në Universitetin e Reading, funksioni i trurit mbështetet në një ekuilibër delikat midis neuroneve ngacmuese që bartin informacion dhe neuroneve frenues, të cilët parandalojnë aktivitetin kolateral.

Teoritë e fundit i lidhin çrregullimet e humorit dhe sëmundjet e tjera neuropsikiatrike me çrregullimin e këtij ekuilibri, shpesh në drejtim të rritjes së niveleve të aktivitetit të trurit.

Vitamina B6 ndihmon trupin tonë të prodhojë një transmetues kimik specifik i cili pengon impulset në tru dhe bazuar në studimin tonë kjo ka një efekt qetësues duke kontribuar në uljen e ankthit.

Në studim, studiuesit u fokusuan në rolin e mundshëm të vitaminës B6, e cila rrit prodhimin e Acidit G-Aminobutyric (GABA), i cili pengon impulset e trurit midis qelizave nervore.

Më shumë se 300 vullnetarë të përzgjedhur rastësisht morën vitaminë B6 ose B12 në formë suplementi dietik, 50 herë më shumë se doza e rekomanduar ditore.

Studiuesit vunë re se vitamina B12 kishte pak efekt, ndërsa B6 kishte një ndryshim domethënës.

Nivelet e rritura të GABA në mesin e pjesëmarrësve që kishin marrë suplemente të vitaminës B6 u konfirmuan nga testet e kryera në fund të studimit, gjë që përforcon teorinë se B6 rezulton përgjegjëse për reduktimin e ankthit. Gjatë studimit u zbuluan gjithashtu ndryshime delikate, por të padëmshme në funksionalitetin vizual, në përputhje me nivelet e kontrolluara të aktivitetit të trurit.

Shumë ushqime, duke përfshirë peshkun ton, qiqrat dhe shumë fruta dhe perime janë të pasura me vitaminë B6. Por dozat e larta të administruara në studim tregojnë se vetëm me një suplement ushqimor mund të arrij një efekt pozitiv në përmirësimin e humorit. Dhe është e rëndësishme të mbahet parasysh se rezultatet janë paraprake dhe se efekti i vitaminës B6 në ankth është i vogël, krahasuar me mjekimin klasik.