Si ‘Better Call Saul’ e la në hije serialin ‘Breaking Bad’

nga BBC

Kur krijuesi i ‘Breaking Bad’, Vince Gilligan u ftua të bënte një serial të ri që ndërlidhet me të, nuk ishte i sigurtë se do të funksiononte. Si arriti të parakalojë veprën e mëhershme? Stephen Kelly nga ‘BBC’ e ka zbuluar.

Në verën e vitit 2013, Vince Giligan, krijuesi i fenomenit ‘Breaking Bad’ dhe skenaristi tjetër, Peter Gould, bënë një ecje të gjatë në zyrën e Burbank të Kalifornisë.

Fundi ishte afër për ‘Breaking Bad’ dhe ata sapo kishin nënshkruar një marrëveshje për të krijuar ‘Better Call Saul’, një storie për një karakter të veçantë të ‘Breaking Bad’. Bëhet fjalë për Saul Goodman, një avokat kriminel, më shumë kriminel se avokat dhe më shumë palaço se burrë. Problemi?

Epo, as Gilligan e as Gould nuk kishin ide për çka do të bëhej fjalë në serialin e ri. “Patëm një koncept shumë të lartë pa shumë material për ta përcjellur”, thotë Giligan për ‘BBC Culture’.

“Ne po ecnim tutje, thjesht duke thënë ‘në rregull, çka saktësisht është kjo?!'”

Një ide ishte të bënim një komedi 30-minutëshe. “Do të zinte vend në zyrën e Saulit, ku do të futeshin plot njerëz të çmendur”, shpjegon Gould.

Por nuk të jepte ndjesi se është gjëja e duhur. Asgjë nuk të jepte ndjesinë e duhur. Dhe, pas një periudhe, të dy erdhën në një “konkludim shumë të frikshëm”, thotë Giligan, që Saul Goodman nuk është njeriu rreth të cilit duhet të ndërtohet një serial.

“Ai është shumë i lumtur dhe me fat”, shton ai. “shumë komod nën lërkurën e tij”. Ata vendosën të punonin nga e kaluara e Saul – i cili, siç zbulohet në ‘Breaking Bad’, në fakt quhet Jimmy McGill. Kush është Saul Goodman? Kush ka qenë dikur? Pyetja më e rëndësishme dhe një që mund të çlironte krejt serialin, erdhi nga Gould: “Ai nuk foli për një periudhë“, rikujton Gilligan. “Pastaj tha ‘çfarë problemesh zgjedhë të qenurit Saul Goodman?'”

‘Better Call Saul’ ka marrë kohë për të eksploruar në këtë pyetje. Deri në sezonin e gjashtë dhe të fundit, i cili ishte ndarë në dy pjesë dhe do të konkludohet me një ecuri prej gjashtë episodeve, përgjigja ende po merr formë.

“Kur e filluam këtë“, thotë Gould, i cili origjinalisht krijoi karakterin e Saulit në vitin 2009, derisa po merrej me skenarin e sezonit të dytë të ‘Breaking Bad’, “ne menduam se ai do të mbetet Saul Goodman me zyrën e çmendur në fund të sezonit të parë. Por vetëm kur filluam të gërmonim në këtë karakter, e kuptuam se ai ka një udhëtim të gjatë për të kaluar, para se të ishte bastardi që do t’i dilte në mbrojtje vrasjes si përhapje biznesi”.

Për të portretizuar në mënyrë adekuate transformimin e Jimmyt, Gilligan dhe Gould vendosën të ngadalësojnë botën hiper-reale të ‘Breaking Bad‘ – me aeroplanët e tij që bien nga qielli, me karriget me rrota që shpërthejnë, me nazistët e tij – dhe të përqendrohen në ndërtimin e një personazhi më delikat dhe më të konsideruar për studim. “Çdo shfaqje ka orën e vet të brendshme”, thotë Gilligan, “metronomin e vet” – dhe ‘Better Call Saul‘ digjet me një ritëm ndryshe nga çdo gjë tjetër në TV.

“Asnjëherë nuk është dukur ngadalë për ne”, thotë Gould. “Por kur shikojmë prapa, në fund të stories së ‘Breaking Bad’, Walt ka vrarë dy njerëz, dhe ka kaluar nga të qenurit një mësues kimie në shkollë të mesme te dikush që gatuan meth”.

Për të krahasuar, një episod i ‘Better Call Saul’ përmban një skenë në të cilën Mike Ehramantraut (Jonathan Banks), zbatuesi i thinjur i ‘Breaking Bad’, shpenzon 10 minuta magjepsëse duke e shkëputur makinën e tij.

“Dalja nga një shfaqje hit si ‘Breaking Bad‘ na dha besimin për t’i lënë personazhet të marrin kohën e tyre”, thotë Gould.

“Filozofia jonë është të mos ecni më shpejt se sa duhet”, shton Gilligan. “Në këtë mënyrë nuk do të nxitoni të kapërceni ndonjë dramë të mundshme, pavarësisht sa e vogël mund të duket fillimisht”.