Intoleranca ndaj ushqimeve të ndryshme , çrregullimi i niveleve të baktereve të mira dhe atyre të këqija, inflamacioni i sistemit imunitar, intoleranca e glutenit janë disa prej arsyjeve që çojnë në fryrjen e barkut. Por a keni menduar ndonjëherë pas këtij problemi fshihet mungesa e një vitamine të caktuar?

Nëse fryrja e barkut shkaktohet nga mbajtja e fluideve në stomak vitamina B6 është gjithçka që ju duhet. Ajo gjendet me shumicë te mishi i shpendëve, peshkut dhe drithërave. Krahas vitaminës B6, këshillohet gjithashtu edhe përdorimi i vitaminë B1. Kjo e fundit, njohur ndryshe edhe si thiamina, është esenciale për shpërbërjen e karbohidrateve në trup. Ajo gjithashtu ndihmon në prodhimin e ATP-së, një enzime që ndihmon në tretjen e ushqimit. Kjo vitaminë përshpejton këtë proces dhe punon për neutralizimin e gazit dhe fryrjen e barkut .

Ndërsa mungesa e vitaminës B12 lidhet me inflamimin e stomakut duke shkaktuar fryrje, gazra dhe dispepsi. Ushqimet e detit, qumështi, djathi, vezët, mishi i pulës e viçit janë të gjitha burime të shkëlqyera të vitaminës B12.