Çfarë pëson trupi ynë nga mungesa e seksit

Përditshmëria jonë ka një sërë ngarkesash të cilat shpesh na prishin humorin dhe anën romantike, si stresi, orët e gjata të punës, problemet shëndetësore dhe detyrimet e tjera.

Instituti Kinsey në Indiana, të SHBA, kreu një studim për të zbuluar efektet që ka aktiviteti seksual në organizmin tonë. Nga pjesëmarrësit, 44% thanë se jeta e tyre seksuale kishte rënë dy vitet e fundit, ndërsa 30% pohuan të njëjtën gjë për jetën e tyre romantike.

Karantina me partnerin nuk rezultoi se njerëzit ishin në humor për të bërë seks. E njëjta gjë ndodhi edhe verën e kaluar. Megjithatë, ka shumë argumente që pohojnë se mungesa e seksit nuk ka efekte pozitive në trup. Përveç faktit që seksi është një aktivitet argëtues që na afron me partnerin, nga mungesa e tij humbasim edhe shumë avantazhe të tjera.

Këtë do ta kuptojmë më mirë nëse kemi parasysh se çfarë ndodh me trupin tonë kur nuk bëjmë seks.

Presioni i gjakut mund të rritet- Seksi përmirëson reagimin normal të trupit tonë ndaj stresit dhe kjo e mban presionin e gjakut në një nivel më të ulët.

Mbytemi nga streset– Seksi i mirë mund të na bëjë të harrojmë, qoftë edhe për disa orë të gjitha problemet tona dhe të arrijmë të relaksohemi. Në këtë gjendje ne mund t’i shohim gjërat që na ndodhin nga një këndvështrim tjetër, më pak urgjent. Gjatë orgazmës, në fakt, lirohet endorfina: hormoni që ndihmon në përmirësimin e humorit tonë.

Sistemi ynë imunitar dobësohet– Studimet kanë treguar se pacientët që bënin seks një ose dy herë në javë kishin një përqendrim jashtëzakonisht të lartë të imunoglobulinës A, një antitrup që luan një rol të rëndësishëm në imunitet.

Performanca jonë në punë mund të ulet- Ata që kanë një jetë seksuale aktive janë shumë më të lumtur në karrierën e tyre. Zinxhiri shkon kështu: një marrëdhënie e shëndetshme do të thotë një jetë e shëndetshme seksuale e cila sjell lumturi, kështu që kjo transferohet në jetën e përditshme si rezultat i së cilës kemi më shumë oreks për punë.