Princesha e Uellsit Kate Middleton ka zgjedhur të shfaqet në ceremoninë e dytë vjetore të Çmimeve Earthshot me një fustan të marrë me qera.

Mediat londineze e lidhin këtë detaj të rëndësishëm në veshjen e princeshës, sa me vetë eventin, i cili kishte të bënte me çështjet e klimës, duke u përfaqësuar me ngjyrën e gjelbër, po aq edhe me një mesazh:

“Meghan dhe Harry kush? Ky ishte mesazhi në paraqitjen e Princeshës së Uellsit në tapetin e kuq të Çmimeve Earthshot në Boston të premten në mbrëmje,” shkruan The Telegraph.

“Ne e dimë se Kate zgjedh kur bëhet fjalë për veshjen e saj. Por kur ajo dëshiron të arrijë një nivel të lartë, ajo me të vërtetë mund t’ia dalë. Dhe ajo e bëri këtë me një fustan të gjelbër prej 350 £, të huazuar nga platforma britanike e modës me qira Hurr, hera e parë që ajo përdor një shërbim të tillë,” vijon tabloidi britanik.

Më tej në artikull theksohet se për një mbrëmje kushtuar mbrojtjes së planetit, ishte një zgjedhje e patëmetë, duke përdorur këtë moment të profilit të lartë për të mbrojtur ekonominë e ndarjes, pjesë kryesore e së cilës është marrja me qira e modës.

Por ngyra e gjelbër na kujton po ashtu dhe dashurinë e mbretëreshës së ndjerë për atë nuancë.

Çmimi Earthshot ka të bëjë me një të ardhme më të gjelbër. Çifti do t’i japë pesë projekteve fituese nga 1 milion £ secili për t’i ndihmuar ata të arrijnë zgjidhje që do të riparojnë planetin tonë në dekadën e ardhshme.