Si të dukeni më të rinj? Praktikoni këto këshilla

Si të dukeni më të rinj? Praktikoni këto këshilla të mjekut britanik që ta mbani larg bisturinë!

Kujdesi për lëkurën është mjaft i rëndësishëm, sidomos në parandalimin e shenjave të para të moshës. Ca këshilla të mira këtë herë na vijnë nga Britania e madhe, ku dr. Ross Perry na sugjeron se me një rutinë të shëndetshme mund ta mbajmë bisturinë larg, shumë larg thotë ai.

Sekreti i parë që ndan doktori është hidratim, hidratim, hidratim.

Nuk ka asnjë mit pas 8 gotave ujë, shpjegon ai. Ato janë të mjaftueshme për ta mbajtur lëkurën tuaj të shëndetshme dhe të butë.

Uji gjithashtu ndihmon dhe në eleminimin e toksinave nga trupi, çka ndihmon në shëndetin e përgjithshëm të lëkurës dhe të të gjithë trupit.

Një pikë tjetër ku e vë theksin dr.Ross është gjumi. Ai garanton relaksin e duhur dhe moment kur lëkura prodhon më tepër kolagjen.

Këshilla tjetër që e thonë të gjithë dermatologët është; Mos e lësho kurrë nga dora kremin mbrojtës të diellit, as në dimër as në verë. Është një domosdoshmëri.

Dhe këshilla e fundit për t’u plakur bukur është të pastroni fytyrën herë pas here me scrub. Largimi i qelizave të vdekura do të sjellë një sërë të mirash për rigjenerimin e lëkurës suaj.