R’Bonney Gabriel, stiliste dhe modele nga Teksasi, u kurorëzua Miss Universe. Ajo është amerikania e parë nga Filipinet, që fitoi Miss USA.

Vajza e dytë më e bukur në botë u shpall Miss Republika Domenikane, Andreina Martinez. Në pyetjet dhe përgjigjet në fazën e fundit të konkursit për tre finalistët, Gabriel u pyet se si do të punonte për të demonstruar që Miss Universe është “një organizatë fuqizuese dhe progresive” nëse do të fitonte vendin e parë.

“Unë do ta përdorja këtë post për të qenë një udhëheqëse transformuese,” u përgjigj ajo, duke përmendur punën e saj duke përdorur materiale të ricikluara në dizajnët që bën dhe mëismet për të mbijetuarët e trafikimit të qenieve njerëzore dhe dhunës në familje.

“Është kaq e rëndësishme të investosh te të tjerët, të investosh në komunitetin tonë dhe të përdorësh talentin tënd për të bërë një ndryshim,” vazhdoi Gabriel.

Sipas Miss Universe, Gabriel është një ish-volejbolliste e shkollës së mesme e diplomuar në Universitetin e Teksasit të Veriut. Një biografi e shkurtër e postuar në faqen e internetit të organizatës tha se ajo është gjithashtu CEO e linjës së saj të veshjeve të qëndrueshme.

Gati 90 garues nga e gjithë bota morën pjesë në konkurs, thanë organizatorët.

Miss Curacao, Gabriela Dos Santos dhe Miss Puerto Rico, Ashley Carino, ishin pesë finalistët më të mirë.