Kafeja është një nga pijet më të përhapura në planet. Ne pimë rreth 2 miliardë filxhanë kafe në ditë.

Por çfarë shkakton në të vërtetë kafeina?

Ne të gjithë priremi nga ideja se kafeina na ndihmon të zgjohemi në mëngjes, por a e dini se sa filxhanë mund të pini në mënyrë të sigurt?

Sa shpejt vepron kafeja?

Efektet mund të fillojnë që në gllënjkën e parë.

Thjesht aroma e kafesë mund të përmirësojë kujtesën dhe të stimulojë vigjilencën, sipas një studimi të vitit 2019.

Një studim i vitit 2008 zbuloi se efektet e një filxhani kafeje mund të ndodhin vetëm 10 minuta pas gëlltitjes. Ai tha se përqendrimi maksimal i kafeinës në gjak ndodhi pas 45 minutash.

A mund të rrisë vërtet performancën sportive?

Sigurisht që mundet. Një studim i vitit 2020 i çiklistëve amatorë zbuloi se kafeja përmirësoi performancën me një mesatare prej 1.7%, gjë që mund të bëjë një ndryshim të madh. Megjithatë, nivelet e kafeinës ndryshojnë, kështu që disa ekspertë rekomandojnë marrjen e saj në formë pilule për të kontrolluar masën e saktë.

Si më zgjon kafeja?

Kafeina vepron si një stimulues i sistemit nervor qendror, duke ju bërë më vigjilent dhe më të fokusuar, por potencialisht më nervoz dhe në ankth. Ndërsa adenozina zakonisht lidhet me receptorët e trupit dhe nxit gjumin, kafeina mund të mashtrojë qelizat nervore për të nxitur vigjilencën.

Deri në çfarë ore mund të pi gjatë ditës?

Ekspertët thonë se nëse e konsumoni ekspresin tuaj të fundit në orën 16:00, gjysma e kafeinës është ende në organizmin tuaj deri në orën 22:00.

Për ata që kanë probleme me gjumin nëse konsumojnë kafeinë rekomandohet që filxhani i fundit të mos pihet pas orës 14:00 ose 15:00.

A është mirë për mua?

Këtu shkenca bëhet më pak e qartë, me një sërë gjetjesh nëpër studime të ndryshme. Një nga rishikimet më të mëdha në 2017 zbuloi se pirja e kafesë është ‘përgjithësisht e sigurt brenda niveleve të zakonshme të marrjes dhe se ka ‘më shumë gjasa të jetë e shëndetshme sesa e dëmshme. Një tjetër studim nga i njëjti vit sugjeroi një ulje të mundshme të rrezikut të disa formave të kancerit, sëmundjeve të zemrës, sëmundjes së Parkinsonit dhe diabetit të tipit 2 me konsumimin e kafes.

Çfarë thonë ekspertët?

Disa sugjerojnë se marrja e tepërt e kafesë mund të lidhet me rritjen e rrezikut të kancerit, ose problemeve të zemrës, ndërsa të tjerë thonë se disa filxhanë në ditë janë ok.

Kafeja mund të ndihmojë në djegien e yndyrës, por është më efektive në lidhje me stërvitjen. Pra, të kesh një filxhan të shpejtë para stërvitjes në mëngjes, bën më shumë sesa thjesht të të japë një nxitje energjie.

Të vazhdoj të pi kafe? Çfarë duhet të bej?

• Deri në tre filxhanë në ditë është ndoshta mirë.

• Studimet sugjerojnë se kafeja e filtruar përmes letrës mund të jetë më e shëndetshme se filtrat metalikë ose pa filtër fare.

Pjekjet e errëta kanë nivele më të ulëta të kafeinës, kështu që janë të mira nëse po përpiqeni ta ulni atë.

Pjekjet më të lehta kanë më shumë kafeinë, por edhe nivele më të larta të antioksidantëve dhe komponimeve anti-inflamatore.