Partnerja e Cristiano Ronaldos, Georgina Rodriguez, pësoi tre aborte para se të humbiste fëmijën e tyre vitin e kaluar. Georgina priste të lindte binjakë në prill të vitit të kaluar. Dyshja mirëpritën vajzën e tyre Bella Esmeralda, por humbën vëllain binjak të Bella, Angel.

“Sa herë që shkoja te gjinekologu natën kisha makthe sepse shqetësohesha se në çfarë pozicioni do të ishin, si do të ishte lindja, nëse do të ishte cezarian”, ka rrëfyer Georgina.

“Kisha shumë frikë në çdo ultrazë. Ndihesha shumë e tensionuar sepse kisha pasur tre aborte të mëparshme dhe kthehesha në shtëpi copë-copë.”

Pas humbjes së djalit, çifti u shpreh i pikëlluar: “Me pikëllimin tonë më të thellë duhet të njoftojmë se djali ynë ka ndërruar jetë. Është dhimbja më e madhe që çdo prind mund të ndjejë.Vetëm lindja e vajzës sonë na jep forcën për ta jetuar këtë moment me pak shpresë dhe lumturi. Ne jemi të gjithë të shkatërruar nga kjo humbje dhe me mirësi kërkojmë privatësi në këtë kohë shumë të vështirë. Djali ynë, ti je engjëlli ynë. Ne do të të duam gjithmonë.”

Georgina sjell të premten sezonim e dytë të serialit të saj më Netflix ‘I am Georgina’.

Në dokumentar ajo thotë: “Ata kanë lindur të hënën e Pashkëve, momenti më i shumëpritur dhe kur duket sikur zemra ndalon. Bella lindi e fortë dhe e shëndetshme, por një pjesë e zemrës sime u thye. Pyesja veten se si do të vazhdoj.Unë nuk isha e përgatitur të pranoja atë që më kishte ndodhur dhe nuk isha gati t’u tregoja fëmijëve të mi për këtë. Meqenëse kisha ende pak bark, u thashë atyre se Angel do të priste akoma pak për të lindur, derisa Cris u tha atyre se Angel ishte në Parajsë. Kjo ishte një dozë realiteti.”