“Dua të bërtas nga maja më e lartë e malit për gjithçka që po ndodh me ne, sepse jam shumë e lumtur dhe e emocionuar që jam me një person kaq të sjellshëm sa ai”.

Kështu shprehet Eva Longoria për marrëdhënien me bashkëshortin e saj, José Bastón, i cili është 7 vjet më i madh. Pas 2 martesave të dështuara, ylli i “Desperate Housewives” më në fund e gjeti shpirtin binjak dhe dashuria e tyre bëhet më e fortë çdo vit që kalon.

Nuk ishte dashuri me shikim të parë, por ishte po aq magjike.

Në fakt, ishte dashuri me shikim të dytë për Evën dhe Jose. Kur u takuan për herë të parë, të dy po dilnin nga marrëdhëniet respektive dhe nuk e ndjenin të kishin një lidhje. 6 muaj më vonë, ata u takuan përsëri. Siç Eva tregon, në takimin e dytë e ndjenë të dy kiminë me njëri-tjetrin.

Në sytë e Longorias, José ishte njeriu më i pashëm që kishte parë ndonjëherë, dhe të nesërmen ata shkuan në një takim 4-orësh. Ishte hera e parë që Eva dilte me një burrë më të madh në moshë dhe fakti që ai ishte i vendosur dhe i rritur mjaftueshëm ishte qershia në tortë për të.

Eva nuk ka qenë kurrë më e lumtur më parë.

2 vjet pasi ata filluan të takoheshin, ndërsa ishin në një shkretëtirë në Dubai, José i bëri pyetjen e madhe Evës. Propozimi ishte një surprizë e këndshme për aktoren dhe në një intervistë, ajo e quajti burrin e saj njeriun më të sjellshëm që ka takuar ndonjëherë.

Ata lidhën martesë në kopshtin e tyre, të rrethuar nga njerëzit që duan.

Gjatë dasmës, Eva nuk ishte aspak e stresuar. Në fakt, ajo buzëqeshte aq shumë saqë ndjeu se zemra e saj do të shpërthente. José kishte përgatitur shumë surpriza për Evën dhe çdo gjysmë ore kishte një surprizë të re, e cila e bëri natën të paharrueshme.

Kur Eva u pyet nëse martesa ndryshoi marrëdhënien e tyre, ajo tha se edhe 3 vjet pasi u martuan, ata ende po lundrojnë në dashuri. ‘Ne kemi qenë gjithmonë të martuar në zemrat dhe shpirtrat tanë, kështu që dasma ishte thjesht një festë e bukur për të festuar me të gjithë,’ zbuloi ajo.

Longoria e quan burrin e saj ‘pjesën më të mirë’ të jetës

“Njerëzit gjithmonë pyesin: ‘A të pëlqen të jesh e martuar?’ Nuk është se më pëlqen martesa, por më pëlqen të jem e martuar me të. Ai është ai që e bën gjithçka të veçantë dhe ia vlen”, tha Eva në një intervistë. Ajo shpjegoi gjithashtu se të dy po zbulojnë vazhdimisht gjëra të reja për njëri-tjetrin.

“Disa ditë duket sikur kemi qenë së bashku për 40 vjet dhe ditë të tjera duket sikur sapo jemi njohur”, shtoi Longoria.

Ajo u bë njerka e 3 fëmijëve të Joses dhe kjo ndryshoi mendjen e saj për të pasur fëmijë biologjikë.

Në vitin 2018 sollën në jetë djalin e tyre të parë së bashku.

Eva dhe José i fikin telefonat çdo mbrëmje, hanë darkë së bashku dhe bisedojnë. Dhe duke qenë se janë shumë të zënë gjatë ditës, ata kanë shumë gjëra për të folur.

Gjatë një episodi të podcast-it të saj Connections, duke reflektuar mbi martesën e saj aktuale me Bastón, ajo tregoi pse bashkimi i tyre funksionon kaq mirë. Longoria gjeti dashurinë me Baston kur ajo ishte 40, dhe ai ishte 50, gjë që ajo beson se i lejoi ata të vlerësonin jetën së bashku. “Mendoj se gjetja e dashurisë në moshën 40 vjeçare, ishte njëlloj si ‘A mund ta shijojmë këtë jetë së bashku?”, zbuloi Eva.