Mix
CEO i Apple Tim Cook tregon çfarë bën ai për të qetësuar mendjen nga stresi i punës!
Nëse po kërkoni një mënyrë për të qetësuar kokën, thjesht bëni një hap jashtë. Të paktën, kështu bën CEO i Apple, Tim Cook. 62-vjeçari menaxhon një nga kompanitë më të mëdha të teknologjisë në botë, me 2.62 trilionë dollarë kapital tregu, duke krijuar një gamë të gjerë presionesh dhe përgjegjësish. Dalja në natyrë i lehtëson ato tensione dhe e ndihmon Cook të qetësohet mendërisht, tha ai për GQ të hënën.
Cook i ka kaluar 20 vitet e fundit në Silicon Valley dhe aktivitetet si ecja në këmbë dhe lundrimi me kanoe mund të mbeten në hije nga kampuset e shkëlqyera të startup-eve të teknologjisë. Por ndalesat e tij të mëparshme në Karolinën e Veriut dhe Kolorado e nxorën jashtë flluskës së tij gjigante
“Aty jashtë ishte gjithmonë e aksesueshme, përveç ndonjë stuhie të rrallë bore apo diçka tjetër. Gjithmonë mendoj për shëtitjet dhe gjërat që më qetësojnë vërtet mendjen kur jam në punë.”, u shpreh Cook
Dalja jashtë flluskës së teknologjisë të Zonës së Gjirit ndihmon, shtoi ai: “Mund të ecni në shumë vende të ndryshme. Është pothuajse një mëkat të mos dalësh dhe ta shijosh këtë vend.”
Mjekët po sugjerojnë gjithnjë e më shumë shëtitje në natyrë, ndonjëherë krahas medikamenteve, për të ndihmuar pacientët me simptoma të ankthit dhe depresionit deri te stresi dhe mbipesha, sipas një punimi të vitit 2020 në Revistën Ndërkombëtare të Kërkimit Mjedisor dhe Shëndetit Publik.
Sipas një studimi të vitit 2019-të, nëse kaloni 120 minuta në natyre, parqe, pyje, plazhe mund të keni mirëqenie pozitive, kryesisht ata njerëz që jetojnë në zona urbane.
Cook, i cili ka një vlerë neto prej 1.8 miliardë dollarësh, nuk është i vetmi miliarder që i jep përparësi kohës në natyrë. Oprah Winfrey ka një ritual të përditshëm ecjeje dhe njihet si një kopshtare e etur. Mark Zuckerberg shkroi në vitin 2020 se ai ndonjëherë shkon për gjueti kur ka kohë të lirë.
“Edhe nëse keni vetëm disa minuta, mendoni të bëni një shëtitje ose të hani një vakt jashtë,” shkroi Jared Hawkins, terapist dhe asistent profesor në Universitetin Shtetëror të Utah. “Ta çosh vëmendjen te vështrimi e pemëve, zhurma e zogjve ose ndjesia e erës mund t’ju ndihmojë të jeni të ndërgjegjshëm dhe të ulni stresin.”
Ju gjithashtu mund të bëni ecje, peshkim ose të shikoni yjet, përveç kopshtarisë dhe piknikut në vendet e natyrës, rekomandoi Hakins
