Rënia e shëndetshme nga pesha varet nga tre aspekte të rëndësishme: kaloritë, ushqyerja dhe aktiviteti fizik.

Regjimet e tjera drastike jo vetëm që nuk janë të shëndetshme por edhe shkaktojnë probleme të rënda shëndetësore. Sa i përket ushqyerjes, njeriu mund të konsumojë shumë produkte natyrale, drithëra, fruta e perime. Megjithatë, jo të gjitha prej tyre kanë një rol përshpejtues për rënien në peshë, pikërisht prej kalorive që ofrojnë.

Patëllxhani Për Rënien Nga Pesha

Patëllxhani është një nga perimet më të shëndetshme dhe të pasura në vlera ushqyese. Ka shumë spekulime se patëllxhani mund të mos jetë një aleat në misionin e rënies nga pesha. Sa të vërteta janë këto spekulime.

Sa Kalori Ofron Patëllxhani

Të dhënat e ekspertëve tregojnë se një racion prej 100 gramë patëllxhan të freskët ofron vetëm 25 kalori. Një patëllxhan i qëruar që peshon 458 gramë ofron 114 kalori. Duke marrë në konsideratë këto të dhëna, ekspertët bien dakord se patëllxhani është i mirë për rënien në peshë. Ky konstatim mbështetet edhe nga fakti se një racion prej 100 gramë patëllxhan të skuqur ofron 312 kalori.

Përfitime Të Tjera Të Patëllxhanit Për Rënien Nga Pesha

Patëllxhani është shumë i pasur me fibër. Një patëllxhan i qëruar ofron 50% të dozës së nevojshme ditore për fibër. Kjo e fundit ndihmon për rënien nga pesha sepse ka aftësi ngopëse, rrjedhimisht ju do të merrni më pak kalori sepse do të ngopeni shpejt. Nëse jeni të ngopur, nuk do të keni nevojë të konsumoni vakte të pasura me yndyrë të cilat ju bëjnë që të shtoni në peshë. Përveç fibrës, patëllxhanët përmbajnë pak yndyrë. Një racion prej 100 gramësh ofron 0.2 g yndyrë. Patëllxhanët përmbajnë edhe saponinë, një substancë që ul nivelin e përthitthjes së yndyrnave nga ushqimi, një nga fajtorët e shtimit në peshë.