“Veriu i Kosovës është tokë e Kosovës”, Kurti i përgjigjet Ramës

“Sanksione Serbisë, siguri për Kosovën”, Kurti: Kërkova nga Brnabić të nënshkruajmë marrëveshjen bazike dhe aneksin e Ohrit

Kemi nevojë për siguri për Kosovën. Kështu deklaroi kryeministri i Kosovës Albin Kurti në një deklaratë për mediat pas përfundimit të samitit të Procesit të Berlinit, teksa solli në vëmendje sulmet në veri. Sipas tij, Ballkani europian i duhet shteteve tona dhe kosova e ka të qartë orientimin e saj.

“Duhet të ketë sanksione për Serbinë dhe siguri për Kosovën. Procesi i Berlinit e bën Ballkanin europian dhe Ballkani europian i duhet shteteve tona. Të gjitha shtet duhet të anëtarësohen sa më parë dhe Kosova nuk ka dilema sa i përket orientimit europian dhe euroatlantik”.

Ai tha se ka kërkuar nga kryeministrja serbe nënshkrimin e marrëveshjes bazike që ka që të bëjë me njohjen de facto reciproke të dy shteteve dhe zbatimin e aneksit të Ohrit.

“Ne kemi marrëveshje me Serbinë që duhet e 27 shkurti që ka ne qendër njohjen de facto reciproke dhe duhet të zbarohet dhe aneksi i zbatimit i 18 marsit. Kam kërkuar nga Brnabić të nënshkruajmë marrëveshjen bazike dhe aneksin e Ohrit. Kam kërkuar të zbatohen meqë presidenti i Serbisë është në Kinë. Le ta nënshkruajmë meqë është e interesuar për normalizimi, por ajo sërish nuk ishte e interesuar.

I pyetur në lidhje me deklaratën e kryeministrit Edi Rama se veriu i Kosovës nuk është tokë e askujt ai u përgjigj: “Veriu i Kosovës është tokë e Kosovës, kemi nevojë për më shumë siguri që trupat e NATO-s të jenë në patrullim të përbashkët me ato të Kosovës meqë vija kufitare është 380 është më e gjatë se me Shqipërinë Malin e zi të marrë së bashku dhe qeveria e Kosovës është e para, Eulex i dyti dhe KFOR i treti. KFOR nuk është institucion i zbatimit të ligjit. Veriu i Kosovës është tokë e Kosovës, integriteti është i pacenueshëm dhe me partnerët do të kujdesemi për sigurinë kombëtare”.