Beyoncé foli së fundmi për ndikimin e famës.

Në një intervistë të re me revistën GQ, këngëtarja u pyet nëse etiketimi si “perfeksioniste” është ndonjëherë barrë për të.

“Unë krijoj me ritmin tim, në gjëra që shpresoj se do të prekin njerëzit e tjerë”, tha Beyonce. “Shpresoj që puna ime t’i inkurajojë njerëzit të shikojnë brenda dhe të pajtohen me kreativitetin, forcën dhe qëndrueshmërinë e tyre.”

“Unë fokusohem në tregimin, rritjen dhe cilësinë. Unë nuk fokusohem te perfeksionizmi. Unë fokusohem në evolucionin, inovacionin dhe ndryshimin e perceptimit”.

Beyonce vazhdoi: “Duke punuar në muzikën për ‘Cowboy Carter’ dhe duke nisur këtë projekt të ri emocionues ( marka e saj e uiskit)nuk duket si burg, as barrë. Në fakt, unë punoj vetëm për atë që më çliron. Është fama që ndonjëherë mund të ndihet si burg. Kështu që kur nuk më shihni në tapetet e kuq dhe kur zhdukem derisa të kem art për të ndarë, kjo është arsyeja.”