Në një shkrim të fundit, me rastin e 80-vjetorit të Konferencës së Jaltës, ideologu konservator rus, Alexander Dugin, shkruan mbi një opsion të një Jalte të Re siç e quan ai, që do të hidhte themelet e rendit të ri ndërkombëtar. 

Teksa vë në dukje se bota uniplare a pas Luftës së Ftohtë ka ardhur në fund, Dugin shton se Jalta e Re duhet të afirmojë multipolaritetin e botës, por sipas tij ky rend nuk mund të kurorëzohet vetëm nga një takim mes presidentit amerikan, Donald Trump dhe atij rus, Vladimir Putin.Janë dy figura të mëdha politika, liderë që përfaqësojnë dy shtete qytetërimore. Por takimi i tyre, siç është, nuk do të jetë Jalta e Re, që përkufizon parametarat e rendit të ri, që mund të jetë vetëm multipolar.

Për të arritur në një negociatë reale mbi këtë, duhen përmbushur dy kushte: së pari, Putin dhe Trump nuk mjaftojnë. Së dyti, që Rusia të marrë pjesë plotësisht në formësimin e arkitekturës globale, duhet të arrijë një fitore mbi globalizmin në Ukrainë. Vetëm pas fitores në Ukrainë negociatat mes Rusisë dhe Qytetërimit Perëndimor mund të nisin. Për të arritur në një arkitekturë globale duhen përfshirë qytetërime të tjera, minimum Kina dhe India.

Europa po largon veten nga SHBA duke krijuar një model të dallueshëm gjeopolitik. Kështu që Europa bëhet një tjetër pjesëmarrës potencial. Duhet të konsiderojmë botën islamike si dhe Afrikën dhe Amerikën Latine

shkruan Dugin.

Një vision disi skematik që merr të dhëna nga realiteti hartografik mbi kombet, por që janë shumë larg së qeni entitete homogjene.

Nga ana tjetër, ai cilëson se SHBA aktualisht është në një konflikt civil mes Trump dhe Deep State, ndërkohë që sipas tij nuk është larguar përfundimisht edhe rreziku i një lufte të madhe. Dugin nuk thotë asgjë rreth parimeve të negociimit veç faktit se bota duhet pranuar si multipolare, mirëpo është afër mendjes që të supozohet se metodologjikisht dhe në parim, negociimi i qëndron skemës së mirëkuptimi ruso-kinez që u finalizuar disa muaj më parë e që në thelb inauguron atë që mund ta quajmë bashkëjetesë të qytetërimeve.