Shkruar nga Adriatik Dosti* (SHBA)

Jam i zhgënjyer tmerrësisht pas “protestës ” të demokratëve me 8  shkurt 2025 .

Doktor!

Kanë një shprehje të bukur fort tironcit “O fol e mba o dhitë e ha..!

Ndaje përfundimisht mendjen o Doktor: O me ne, o me veten tënde!

Nuk thirren shqiptarët e demokratët në shesh sa herë do ti e për asnjë lloj aksioni, veprimi e qëllimi, o Doktor!

Në shesh shqiptarët e demokratët duhej te kishin dalë një ditë pas 27 janarit 2025, atë natë kur ish zv/kryeministri i Rames në arrati bëri publike fakte tronditese në Syri tv për banden kryeministrit në pushtet, o Doktor dhe jo dy javë më pas siç kërkove ti.

Nuk trajtohen shqiptarët e demokratët njësoj siç i trajtoi për vite me radhë Lul Basha, o Doktor, por fatkeqesisht edhe me pëlqimin tënd.

Nuk bëhet protestë 1 ditë para zgjedhjeve në Kosovë, o Doktor!

Nuk bëhet protesta e demokratëve antiRama e kufizuar me orarin e fluturimit tënd për në Itali, o Doktor!

Nuk mund te ketë kurrfare lidhje e aleance me majtistin Meta në betejen tonë pa kompromis për të rrëzuar Ramën  e diktaturën, o Doktor!

Nuk ka taban asnjë lloj aleance ”të gjithë sëbashku për të rrëzuar Ramen”, o Doktor sepse as Llapaj, Shabani, Qorri, Goxhaj, Shehaj  Topalli apo pjesërisht edhe Mediu, Duka, Shehi, Topalli etj …nuk e gjejnë kurresesi veten tek demokratet e ndershem, antikomunistë, shqiptarë e patriotë, për të mos thënë se lehin atje ku ushqehen.

Nuk mund te jem me kurresesi me ty o Doktor që kur urove për ditelindjen e tij publikisht bashkefajtorin në diktaturë, Ismail Kadarenë…

Ne demokratët e vertetë vazhdojmë ta vuajmë ende shprehjen tënde famëkeqe, o Doktor, kur deklaruat publikisht se “të gjithë bashkëfajtorë. e të gjithë bashkëvuajtës”.

Jam tepër i zhgënjyer prej teje, o Doktor qëkur afrove e mbajte për shumë kohë në krahun tënd të djathtë, Evi Kokalari.

Nuk mund ta kuptojë dot heshtjen e memecerinë tënde o Doktor në prag zgjedhjet e reja në Kosovë kur ti duhej te ishe i pari mbështetës besnik dhe i fuqishem i birit të Kosovës, Albin Kurtit.

Nuk me lidh mua kërkundi përsonalisht si demokrat, atdhetar, patriot, nacionalist e antikomunist absolutisht asgjë o Doktor me pseudodemokratët Salianji, Gjekmarkaj, Tabaku, Bardhi apo qoftë edhe me bashkëpunetorin e Çet Kastratit, dyshin e PD-së, Flamur Noken që sëbashku me Lul Braven sabotuan protesten e kuksianëve në Rrugen e Kombit.

Nuk arrij ta shpjegoj dot heshtjen tënde o Doktor dhe mos prononcimin tënd lidhur me shkrimin tim publik që bënte fjalë për një takim tuajin me një Autoritet të Lartë të shtetit të Palestines lidhur me zbarkimin në Tiranë të rreth 100 mijë palestinezëve të Gazës.

Nuk jam kurrë në krahun tënd o Doktor kur ti pranon të jesh prezent në studiot televizive këllira e antishqiptare, por edhe antidemokrate të disa analistëve, pasi kësisoj na fyen rëndë ne demokrateve të vertetë e njëherësh të gjithëve që ende besojmë e shpresojmë tek ti për një të nesërme disi me ndryshe…

Nuk rrëzohet Rama me një mijë njerëz në shesh e as me fjalime të stërpërseritura, o Doktor, ai rrëzohet vetëm ashtu siç erdhi, DHUNSHËM, në daç ti vijë mirë a JO, Amerikës apo BE!

Nuk shahet Amerika e djeshme e sorroisteve, o Doktor që nga zyra jote, por minimumi me një protestë të fuqishme para selisë së Ambasades së saj në Rrugen e Elbasanit në Tiranë.

Nuk pjerdh aspak Altin Dumani pse e shani a sulmoni ju nëpër media, portale, gazeta a tv o Doctor! Ai rrëzohet ndryshe o Doktor!

Unë nuk mund ta pranoj dot kurren e kurrës o Doktor kandidaturën tënde për në krye të Himarës puroshqiptare të filogrekut vorio epiriot, të kriminelit e antishqiptarit të tërbuar Fredi Beleri.

Amerika e re e Trumpit po ju çon përditë sinjalet, o Doktor, ndaj çfarë prisni më?! Apo iu gënjen mendja që Trumpi të dërgojë trupat speciale Force One për të larguar të keqen tuaj të madhe Edi Ramen.

Apo iu gënjen mendja se Presidenti Trump do vijë aty në Tiranë e do t’ju sjellë në pushtet?!

Harroje Doktor!

Eshtë fort e dhimbeshme të ta kujtoj o Doktor një shprehje lapidarë te desidentit të njohur çek, antikomunistit e demokratit që më pas u bë edhe President i suksesshem i vendit e i popullit të tij, Vacllav Havel, i cili pati thënë se “më i rrezikshem nuk është komunisti fanatik që mbron bindjet e idealin e tij, por komunisti i shnderruar në demokrat!”

No coment!

Është koha për reflektim të thellë dhe urgjent, o Doktor, koha nuk pret më.

A.R.D

*Adriatik Dosti është një ndër gazetarët ikonë të gazetës KOHA JONE që sot jeton në SHBA