Vepra e artistes meksikane Frida Kahlo është jashtëzakonisht e njohur sot në tregun e artit dhe për publikun e gjerë. Pikturat e saj ngërthejnë një tërheqje universale për mënyrën se si ato portretizojnë dhe trajtojnë vuajtjen njerëzore. Zbuloni këtë artiste nëpërmjet 10 anekdotave.

1. Ajo ishte me origjinë gjermane
Frida Kahlo lindi si Magdalena Carmen FRIEDA Kahlo y Calderón. Emri FRIEDA rrjedh nga fjala gjermane FRIEDE, që do të thotë “PAQE”. Ajo e hoqi “e-në” nga emri i saj rreth vitit 1935 dhe për pasojë u bë Frida.

2. Ajo vuante nga shumë sëmundje
Ajo ishte një fëmijë i shëndetshëm dhe i lumtur deri kur e zuri poliomieliti në moshën 6-vjeçare.

3. Ajo pikturonte vështirësitë e saj
Si të mos mjaftonte kjo, në moshën 18-vjeçare, ajo pësoi një aksident traumatik me autobus, i cili ishte një burim i madh vuajtjeje gjatë gjithë jetës së saj. Në total, ajo iu nënshtrua 35 operacioneve. Kahlo e ka shprehur vuajtjen e saj fizike në pikturat e saj, ndër të cilat ndoshta më e trishtueshmja është “Kolona e thyer”, e vitit 1944.

4. Ajo kishte një martesë të trazuar
Frida dhe Diego Rivera u martuan në vitin 1929. Ajo ishte vetëm 22 vjeç, ndërsa ai 43. Ajo ishte gruaja e tij e tretë. Frida ka thënë një herë:
“Mua më kanë ndodhur dy aksidente të mëdha në jetën time… por Diego ka qenë më i rëndi.”

5. Motra e saj ishte gjithashtu edhe e dashura e Diegos
Marrëdhënia e tyre ishte e stuhishme. Diego kishte shumë lidhje, madje edhe me motrën e Fridës, Cristinën.

6. Frida u dashurua me dikë tjetër
Frida nuk i qëndroi besnike Diegos dhe pati gjithashtu një marrëdhënie të njohur publikisht me Leon Trotskyn.

7. Ajo ishte një ikonë mode
Frida torturohej nga pasiguritë e saj, pjesërisht për shkak të vuajtjeve fizike. Për të përballuar mungesën e vetëbesimit dhe ndjesinë e të qenit e humbur, ajo krijoi një stil të veçantë veshjeje për veten dhe e pasqyroi atë në pikturat e saj. Ajo njihet për veshjet e saj tradicionale meksikane, modelin e flokëve dhe makijazhin karakteristik.

8. Ajo ka pikturuar 55 autoportrete
Si rezultat, ajo ishte e fiksuar pas vetvetes dhe ka realizuar të paktën 55 autoportrete nga 143 pikturat e saj. Kur e pyesnin pse kishte pikturuar kaq shumë autoportrete, ajo përgjigjej:
“Sepse jam kaq shpesh vetëm… sepse unë jam subjekti që njoh më mirë.”

9. Portretet e saj kanë kuptime të shumëfishta
Ajo paraqitet në pikturat e saj nën disa maska, nga krenaria e saj kombëtare meksikane te portretizimet më simbolike, si për shembull me kafshët. Në “Autoportretin me majmun” të vitit 1938, duket sikur majmuni po shtrëngon krahun e tij rreth qafës së saj, duke nënkuptuar aspektin e shpirtit të saj.

Vepra e artistes meksikane Frida Kahlo është jashtëzakonisht e njohur sot në tregun e artit dhe për publikun e gjerë. Pikturat e saj ngërthejnë një tërheqje universale për mënyrën se si ato portretizojnë dhe trajtojnë vuajtjen njerëzore. Zbuloni këtë artiste nëpërmjet 10 anekdotave.

Frida njihet gjerësisht si një piktore surrealiste dhe shihet si një figurë kyçe në përhapjen ndërkombëtare të kësaj lëvizjeje. Kur vepra e saj filloi të vlerësohej në vitet 1930, surrealisti André Breton e përshkroi artin e saj si:“Një fjongo rreth një bombe.”

Burimi dhe Copyright i Artikullit – Revista e Artit Artsper: https://blog.artsper.com/en/a-closer-look/10-facts-frida-kahlo/