Jemi vetëm tre muaj larg verës dhe është koha e përkryer për të vendosur objektiva fitnesi dhe për të pasur një bark të sheshtë.

Aleatët tuaj në këtë përpjekje janë fruta të caktuara.

Frutat kanë efekte anti-inflamatore, janë natyrshëm me kalori të ulëta me përmbajtje të lartë uji dhe si rezultat kontribuojnë në humbjen e peshës dhe reduktimin e yndyrës në zonën e barkut.

Molla

Mollët kontribuojnë në funksionimin e zorrëve dhe detoksifikojnë trupin, ndërsa një substancë që gjendet në lëvozhgën e tyre aktivizon djegien e yndyrës.

Grejpfrut

Edhe pse shija e tij e hidhur nuk e bën atë një frut veçanërisht popullor, grejpfruti vepron në mënyrë efektive kundër yndyrës dhe ju detoksifikon Konsumimi i gjysmës së grejpfrutit para ngrënies mund të kontribuojë në një reduktim të ndjeshëm të yndyrës, sipas studimeve, ndërkohë që ka një efekt të dobishëm edhe në rezistencën ndaj insulinës.

Ananasi

Ananasi është padyshim një frut i lidhur me verën, të cilin mund ta shijoni në një smoothie apo koktej freskues. Në të njëjtën kohë, është edhe një aleat i rëndësishëm kundër dhjamit kokëfortë të barkut, falë bromelinës që përmban.

Banane

Edhe pse bananet janë karakterizuar si një frut dhjamor dhe shumë njerëz i shmangin ato kur mbajnë dietë, ato megjithatë mund të kontribuojnë në arritjen e një barku të sheshtë. Kaliumi që përmban vepron kundër mbajtjes së lëngjeve dhe, në vazhdimësi, redukton fryrjen.