Barometri në Euronews Albania ka zhvilluar matjen e parë zgjedhore për Qarkun e Tiranës. Metodologjia e përdorur është kampion rastësor i shtresëzuar dhe madhësia e kampionit ka qënë 1000 qytetarë të pyetur në gjithë territorin e Qarkut Tiranë, ballë për ballë. Periudha kohore e mbledhjes së të dhënave është 15-25 Shkurt 2025.

Matjet e para sjellin pëlqyeshmërinë që kanë liderët e partive kryesore politike dy muaj përpara zgjedhjeve në këtë qark.

Edi Rama në matjen e parë në Qarkun e Tiranës ka 50.3% mendim pozitiv dhe 47.1% mendim negativ.

Agron Shehaj renditet i dyti me 29.9% që kanë mendim pozitiv dhe 39% që kanë mendim negativ për të.

Adriatik Lapaj renditet i treti për mendimin pozitiv me 29.3 % dhe 39.4% mendim negativ.

Më pas vjen Sali Berisha, 28.2% mendim pozitiv për të dhe 66.2% mendim negativ.

Arlind Qori ka 25.2% mendim pozitiv dhe 45% mendim negativ.

Endri Shabani ka 17 % mendim pozitiv nga qytetarët dhe mendim negativ 43.1 %.

Lulzim Basha ka 12.7% mendim pozitiv dhe 81.5% mendim negativ.

Enkelejd Alibeaj ka 9.1% mendim pozitiv dhe 59.6 % mendim negativ.

I fundit për pëlqyeshmërinë është Ilir Meta me 5% mendim pozitiv dhe 85.7% mendim negativ.

Pëlqyeshmëria në Tiranë – Barometri, Euronews Albania

Nëse krahasojmë shifrat e pëlqyeshmërisë në Qarkun e Tiranës me gjithë Shqipërinë për të njëjtën periudhë kohore në të cilën janë mbledhur të dhënat (15-25 Shkurt) rezulton se Rama, Lapaj, Shehaj, Berisha, Shabani, Alibeaj dhe Meta kanë pëlqyeshmëri më të ulët në Qarkun Tiranë në krahasim me gjithë Shqipërinë, ndërkohë e kundërta ndodh për Arlind Qorin dhe Lulzim Bashën.Pëlqyeshmëria krahasimore – Barometri, Euronews Albania