Shkrimi i mjekëve është një ‘gjuhë’ më vete për t’u deshifruar dhe thuajse e pamundur për t’u bërë nga njerëzit e zakonshëm.Deri tani ka rezultuar se të vetmit që mund ta kuptojnë dhe mos të na japin barnat e gabuara, janë farmacistët.

Por këta të fundit ‘s’kanë përkthyer’ vetëm receta mjekësore, por edhe letra dashurie. Gjatë bisedës në “Rudina” në Tv Klan, Leonard  Solis ndan një histori për letrat e dashurisë që mjekët u dërgonin grave të tyre, duke zbuluar edhe ‘misterin’ pse shkrimi është i lexueshëm vetëm nga farmancistët.

Leonard Solis: E rregullova përsëri shkrimin si doktor, kur u bëra ministër.

Rudina Magjistari: Është e vërtetë që të gjithë mjekët e kanë shkrimin ashtu?

Leonard Solis: Është e vërtetë, aq sa thonë që në kohë lufte të gjithë doktorët, sepse doktori duhet shumë në kohë lufte, sidomos ortopedi, në ballin e betejës, në prapavijë aty për të ndihmuar dhe të gjithë doktorët që iknin ushtarë, u shkruanin letra dashurie grave. Përpara çdo farmacie ishte një radhë e gjatë me gra, me letra në dorë, jo për të blerë ilaçe, por u thoshin famacistëve “çfarë më shkruan burri?”

Rudina Magjistari: Se vetëm ata arrijnë ta lexojnë, farmacistët, është e vërtetë.

Leonard Solis: Se ai shkruante, “e dashur të puth në b…”, i thoshin “ku më puth, në ballë, në buzë?” Dhe duhet t’ia lexonte farmacisti se të gjithë doktorët kështu shkruajnë, por ne e lexojmë shkrimin e njëri-tjetrit, sidomos farmacistët janë të dënuar, prandaj duhet receta elektronike.

Rudina Magjistari: Po si shpjegohet, apo farmacistët në këtë kuadër shkruajnë njësoj?

Leonard Solis: Sepse lexojnë gërmën e parë, të fundit dhe e kuptojnë. Aty ku thotë “b”, buzë.

tvklan.al