Foto: Selena Gomez dhe Benny Blanco/ Getty Images

Mirë, e dini që Selena Gomez është e pasur deri në ekstrem, si miliardere e vërtetë që është, por çfarë ndodh me të fejuarin e saj, producentin muzikor Benny Blanco? Qartësisht, ai fiton mjaftueshëm për të blerë një unazë fejese prej afro një çerek milion dollarësh për Selena-n, por nëse jeni kuriozë sa vlen realisht pasuria e Benny-t (emri i tij i vërtetë Benjamin Levin), e kemi bërë ne punën për ju.

Më poshtë, gjithçka që dimë për pasurinë e Benny Blanco, dhe si e ka fituar atë.

Benny është producent muzikor

Ndoshta nuk e dini, por gjatë karrierës së tij si producent muzikor (dhe këngëtar/tekstshkrues), Benny ka ndihmuar në krijimin e disa prej hit-eve më të mëdha të viteve 2010.

Lista e tij përfshin këngët:

– “Diamonds” të Rihanna-s,

– “Payphone” nga Wiz Khalifa dhe Maroon 5,

– “Blow” nga Kesha,

– “Dynamite” nga Taio Cruz,

– “Circus” nga Britney Spears,

– “I Kissed a Girl” nga Katy Perry,

– “Lonely” nga Justin Bieber,

– dhe “Same Old Love” të gruas së tij të ardhshme, Selena Gomez. Jo keq apo jo?

Ai gjithashtu publikon muzikë nën emrin e tij

37-vjeçari ka nxjerrë muzikë edhe si artist kryesor, duke bashkëpunuar me emra si BTS, Halsey, Khalid, Juice WRLD, dhe J Balvin, përsëri, vetëm disa shembuj.

Në 2018, ai publikoi këngën e tij të parë si artist kryesor, “Eastside”, që arriti në top 10 të Billboard Hot 100 dhe më pas publikoi “I Found You”, “Better to Lie” dhe “Roses”, të gjitha pjesë e albumit të tij të parë Friends Keep Secrets.

Ai themeloi edhe label-e të tij

Në 2014, producenti themeloi dy label-e nën Interscope: Mad Love Records dhe Friends Keep Secrets. 

Lista e tij e pasurive të paluajtshme është mbresëlënëse

Edhe pse Benny shiti apartamentin e tij në Chelsea (të cilin e bleu në 2011) për 3.6 milion dollarë pas lajmit të fejesës, ai ende zotëron disa prona të tjera, përfshirë një minikompleks në West Hollywood, një bungalow në Beverly Grove dhe shtëpinë e ish-bashkëthemeluesit të Tinder, Sean Rad, që Benny e bleu për afro 9.2 milion dollarë në 2020.

Ai dhe Selena gjithashtu blenë heshturazi një pronë spanjolle në Beverly Hills me vlerë 35 milion dollarë në fund të 2024, që më parë i përkiste regjisor të “Joker”, Todd Phillips.

Sa shkon realisht pauria e Benny Blanco-s?

Sipas Celebrity Net Worth, pasuria e Benny Blanco-s në vitin 2025 është 50 milion dollarë, që është shumë e madhe, edhe pse një pjesë e vooogël krahasuar me pasurinë 1 miliard dollarëshe të Selena-s.