Ka tërhequr shumë vëmendjen e opinionit publik përplasja e Artur Zhejit me Çilin, pas një komenti të këtij të fundit për një mandat të dytë të Ramës.
Zheji ka bërë një reagim ndaj Çilit, me të cilin deri pak muaj më parë kishte një bashkëpunim, pasi ishte drejtor i mediave Mapo.
Zheji ka reaguar sot pas një shkrimi të gazetarit Bledi Mane lidhur me rrogën e majme të Zhejit kur ishte drejtor i Mapo.
Zheji thotë se rroga e tij ka qenë edhe më e majme nga sa mendon Bledi Mane.
“Tani një sqarim për jo zagarërinë, që ndoshta do të sqarohet. E para, në lidhje me botuesin Çili, që e bënë enkas kaq të madhe, për një shënim redaksie, dhe padyshim që kjo më miklon, madje është frymëzuese, nuk kam punuar asnjëherë për 7 vite rresht si drejtor i mediave Mapo. Por kanë qenë në drejtim, vetëm 2 seanca kontraktuale. E para në vitin 2012, që zgjati vetëm 8 muaj. Dhe e dyta, në fillim vitin 2014, deri në fund të vitit 2016.
Kështuqë nuk kanë qenë asnjëherë kaq shumë vite, sa thotë halabaku.
E dyta, për sa i përket, rrogës sime, për aq kohë sa kam qenë drejtor, duhet të trishtoj ata që s’më duan, por rroga ime, ka qenë mjaft më e madhe se 8 milion lekë të vjetra në muaj. Porse hiç më pak se rreth 120,000 euro bonuse në vit, plus shpenzimet, disa pak milionë lekë të vjetra në muaj, me sa më kujtohet. E tillë ishte oferta dhe nuk e refuzova.
E treta, nga mediat Mapo, nuk jam larguar për çështje page apo kontrate, në terma financiarë. Por për arësye krejt të natyrshme, bindjesh të ndryshme me ato, tepër liberale të botuesit Çili. Dhe ky nuk është asnjë turp dhe asnjë kompleks për palët. Bën pjesë në normalitetin, e marrëdhënieve botues-drejtor, në një shoqëri të civilizuar, gjë të cilën, me Çilin, ndryshe nga mjaft botues nursëzë, ishte fare e mundshme të kishe marrëdhënie civile, madje edhe mjaft shoqërore dhe gazmore”, shkruan Zheji në portalin e tij.
Duhet të jeni i kyçur në mënyrë që të mund të lini një koment Kyçu