Strategjitë e duhura për rritjen e përformancës së punonjësve

Performaca dhe angazhimi i duhur i punonjësve janë disa prej elementëve më të rëndësishëm për të çuar një kompani drejt suksesit. Kur punonjësit tuaj janë të angazhuar, ata janë edhe më të lumtur, më produktivë dhe i qëndrojnë besnikë kompanisë për të cilën punojnë. Për të rritur sa më shumë performancën dhe angazhimin e punonjësve kompani të ndryshme i ofrojnë punonjësve të tyre shpërblime për orët jashtë orarit, bileta falas për në kinema, udhëtime jashtë shtetit me kosto të përgjysmuar etj.

Më poshtë do të lexoni 4 këshilla të cilat do të ndihmojnë punonjësit të kenë një angazhim dhe performancë më të lartë:

Investoni në karrierën e tyre. Pjesa më e madhe e punonjësve dëshirojnë të rriten profesionalisht dhe nëse ju i mundësoni atyre trajnime të ndryshme ata do të lumturohen dhe rrjedhimisht do të mundohen që të angazhohen më shumë dhe të japin maksimumin. Organizoni takime të ndryshme për të kuptuar aspiratat e punonjësve tuaj. Në këtë mënyrë ju i tregoni atyre se kujdeseni për rritjen e tyre profesionale dhe ata rrjedhimisht do të mundohen që të impenojhen gjithnjë e më shumë për kompaninë në të cilën punojnë.

Jepini gjithmonë feedback. Shpeshherë projekte të rëndësishme mbyllen me sukses, por edhe pse punojësit  mund të kenë javë të tëra që merren me këtë projekt, në përfundim të tij edhe pse në mënyrë të suksesshme nuk marrin asnjë feedback. Këshillohet që punonjësve duhet t’i vihen në pah arritjet sepse një gjë e tillë i motivon ata për të punuar akoma më mirë në projektin e rradhës.

Tregohuni transparent. Punonjësit kanë një sens për të nuahtur nëse diçka nuk po shkon ashtu siç duhet në kompani. Aq sa mendoni se mund t’i tregoni punonjësve tuaj se çfarë është duke ndodhur bëjeni sa më parë sepse mbjajtja në errësirë do të krijojë tek ata mosbesim dhe madje mund të shkojë deri aty sa ata të largohen pikërsiht në një moment kur ju mund të keni më shumë nevojë për ta.

Tregojini që ju interesoheni për ta. Aktivitete të ndryshme si një lojë basketbolli pas pune, një udhëtim jashtë shtetit më kosto të përgjysmuar, shpërblime për raste festash apo orësh jashtë orari, janë disa faktorë që do i bëjnë punonjësit tuaj të ndihen sa më të motivuar për të pasur një performancë të lartë në punë.