Zbulohet vendodhja e Klement Balilit

Në bazë të bisedave që kam pasur me disa bashkëqytetarë, por edhe një bindje timen përsonale që Shenjtori i 41-të i Republikës së Shqipërisë ndodhet në një ndertesë me adresë të saktë: Bulevardi “Deshmorët e Kombit” 7 , Tiranë 1010 .

Ndërtesa ndodhet buzë bulevardit,lehtësisht e dallueshme nga tipari i saj kryesor në hyrjen e saj.Përballë bulevardit veçohet lehtësisht sepse nuk ka asnjë disko tjetër rreth saj .

Jam i gatshëm po të jetë nevoja të vi pranë zyrave tuaja të deponoj dëshminë time , të cilën po jua dërgoj me anë të e-mail .

Mbarë populli dhe opinioni i gjerë kombëtar dhe ndërkombëtar e njohin për trafikant , por unë besoj se ekzistojnë faktet edhe për krime të tjera .

Përflitet për genocid mbi popullatën shqiptare , shkaktarin kryesor për zhvendosjen nga Shqipëria të mbi 170 mijë shqiptarëve .
Urren lirinë dhe demokracinë .

Ka dyshime që së bashku me një bashkëpunëtor ka mashtruar 1 milion shqiptarë .
Ndërsa për 300 mijë të tjerë ka fakte .

Ka marrë pjesë në dhjetëra vrasje e vetëvrasje gjatë 40 muajve të fundit , duke i detyruar me anë të shtrëngimit dhe dhunës .

Ka shkelur betimin e tij.
Ka keqpërdorur pushtetin e tij , duke bërë që kostot t’i marrin familje nga jugu në veri .
Me veprimet dhe mosveprimet e tij , ka ndikuar në ndarjen e familjeve .
Ka vrarë shpresën .

Është trafikanti më i madh i interesave .
Ka tradhëtuar interesin publik .
Trafikon interesin privat duke ndikuar drejtpërdrejtë në fatet e ekonomisë shqiptare .
Me veprimet dhe mosveprimet e tij ka bërë dëme te pallogaritshme në ekonominë e vendit , në burime natyrore dhe në burimet njerëzore .
Është vrases , ka vrarë kohën e shqiptarëve .

Është tradhëtar .
Tradhëtitë e tij renditen disa: ka tradhëtuar shqiptarët e Kosovës , ku në situata të vështira është bërë palë me kundërshtarët e interesit mbarëkombëtar.
Ka tradhëtuar mbarë shqiptarët duke folur në emër të tyre , në kundërshtim me votëbesimin e sovranit mik .

Ka tradhëtuar ëndrrat e të rinjve , ku në mes të udhëtimit të tyre ka ndryshuar rregullat e lojës dhe fatin e tyre .
Ju vendos në dijeni që edhe në këto momente po vret të ardhmen .

Kam informacione që adresa e mësipërme nuk është e vetmja në të cilën duhet të kontrolloni .
Kam dëgjuar që lëviz në masa të rrepta sigurie dhe në një banesë tjetër , të dhënat gjeografike të së cilës janë këto: 41.331175,19.907187 .

Ju njoftoj se fotot të cilat ju dispononi nuk ju ndihmojnë në identifikimin e tij .
Më lehtësisht e dalloni nga kostumet e tij “Brioni” , të cilët në mënyre abuzive blihen nga mundi dhe djersa e shqiptarëve .

Shpresoj nga ana juaj që informacionet e dërguara të verifikohen sa më shpejt , sepse interesi im për shpërblimin e vënë në dispozicion është i lartë.

Në rast se informacionet e mësipërme janë të vërteta , shpërblimi të cilin meritoj , dëshiroj të ndahet për të gjithë ato shqiptarë të cilët gjatë këtyre kohëve , po humbin shansin e jetës tyre .

Me padurim pres përgjigjen tuaj.

Deri atëherë ju uroj punë të mbarë.

Sinqerisht , Arvit Bushati .