Turqia mbahej si shembulli i demokracisë në botën myslimane, kështu identifikohej vetë në fakt duke u mburrur se është vendi i parë në botë që ka mirëpritur emigrantët por tashmë ajo është kthyer në burgun më të madh të gazetarëve. Qëkur ai erdhi në pushtet në , presidenti turk Rexhep Tayip Erdogan ka ndaluar lirinë e shprehjes, komentet dhe artikujt.

Editorët e gazetave nacionale në Turqi tashmë përballen me burgim të përjetshëm sipas pretendimit se kanë punuar kundër shtetit. Gazetarët janë arrestuar edhe për komente kritikuese ndaj qeverisë.  Vetëm javën e kaluar më shumë se 4400 punonjës në administratat publike janë shkarkuar nga puna për shkak të qëndrimeve opozitare.

Ndërkohë Erdogan po mban lidhje të mira me Donald Trump dhe Vladimir Putin dhe Theresa May dhe shpreson të zgjerojë fuqitë me një referendum më 16 prill.

The Guardian publikon shkrimin duke shprehur shqetësimin se Erdogan po ndalon njerëzit të shprehen lirisht apo të kundërshtojnë qeverinë e tij. Përpos kësaj The Guardian i drejtohet të gjithë njerëzve duke i pyetur: Si do ndiheshit nëse do jetonit në Turqi?  Si ndikon në jetën e përditshme politika shtrënguese e Erdogan?  A ju pëlqen ky lloj lideri?

Pas kërkimeve që bëmë, na rezulton se në Turqi prej shumë vitesh ka patur gazetarë dhe kryeredaktorë gazetash apo faqesh online që janë arrestuar.

Por numri i tyre nuk krahasohet me të arrestuarit që në kohën kur Erdogan erdhi në pushtet.  Deri tani 9 janë të deklaruar se janë arrestuar ndërsa 81 të tjerë nuk janë publikuar akoma.

159 gazetarë janë arrestuar dhe ndodhen akoma në burg që nga viti 2006.