Duka jep alarmin: Kontenierët me plehra nga Italia mbërriten në Durrës

Kreu i Partisë Agrare Ambientaliste, Agron Duka, ngre shqetësimin e raportimeve të fundit në mediat italiane, lidhur me trafikun e plehrave nga Italia në vendin tonë.

Duka ka postuar në faqen e tij në Facebook linkun e shkrimit në gazetën “Pianeta Italia”, shoqërur me komentin e tij të mëposhtëm:

Deklarata e plotë:

Mediat italiane denoncojnë trafikun e plehrave nga Italia në Shqipëri.

Të nderuar qytetarë, një lajm shqetësues është berë sot publik në mediat italiane. 1300 konteiner me destinacion landfilldin e Shkupit, në Maqedoni, janë zhdukur në territorin tonë. Një mijë e treqind konteinerët janë nisur nga porti kalabrez i Gioia Tauro, të mbushur me mbetje urbane dhe industriale, dhe kanë mbritur në Durrës. Sipas hetimeve të deritanishme kë to mbetje nuk kanë dalë nga territori shqiptar.

“2.604 konteiner të nisur nga porti italian i Gioia Tauro kanë mbritur në Durrës, por në pikën doganore të Qafë Thanës kanë kaluar vetëm 1140, pjesa tjetër është zhdukur” lexohet në artikull.

Hetime mbi kë të çështje janë ngritur në Itali dhe në Maqedoni. Ekzistojnë dyshime se këto plehëra janë groposur ose djegur në territorin tonë nga mafia italiane.

Si qytetarë i thjesht, si Kryetar i Partisë Agrare Ambientaliste dhe si deputet i Parlamentit Shqiptar po ndaj me ju linkun e gazetës italiane me shpresë n që kjo çështje të marrë vëmendjen e duhur.

Faleminderit!