Të udhëtoni ju bën të ndiheni mirë, është e shëndetshme për trurin e ju bën të veçantë.
Në këtë artikull do t’u flasim rreth efekteve të jashtëzakonshme që udhëtimet kanë mbi trurin tonë

Rrisin kreativitetin

Një studim i fundit, i realizuar nga Academy of Management Journal, ka zbuluar se personat që kanë punuar dhe jetuar përvoja profesionale jashtë vendit kanë më shumë fantazi dhe janë më kreativë në krahasim me ata që jetojnë në vendin e lindjes. Pse? Për shkak të zhytjes kulturore dhe zbulimit të perspektivave të reja.

Rrisin besimin që keni tek të tjerët

Të udhëtoni nëpër botë rrit besimin kundrejt njerëzve. Të shihni me sytë tuaj gjithë të mirën që ekziston në botë, jua bën më të lehtë besimin te njerëzit.

Përmirësojnë aftësinë tuaj në zgjidhjen e problemeve

Një studim i realizuar nga Journal of Personality and Social Psychology ka zbuluar se studentët që kanë jetuar jashtë vendit të tyre kanë 20 për qind më shumë mundësi të zgjidhnin një problem krahasuar me ata që nuk kanë udhëtuar.
Përse? Thjesht fakti i të jetuarit në një kulturë tjetër, për një kohë të gjatë, hap mendjen dhe ju ndihmon të kuptoni se një gjë mund të ketë kuptime të ndryshme.

Ju bëjnë më të përulur

I njëjti studim ka treguar gjithashtu se fëmijët që udhëtojnë janë më të përulur se ata që nuk udhëtojnë. Si mund të mos jeni të përulur përballë një bote të madhe që ofron gjithnjë pamje të mrekullueshme?

Hapin mendjen tuaj

Të udhëtoni për të eksperimentuar gjëra të reja ju bën më të predispozuar për të provuar përvoja të reja, edhe në jetën e përditshme. Të udhëtoni shpesh, ndër të tjera, largon frikën dhe ju bën më të guximshëm.

Ju ndihmojnë të rigjeni veten

Udhëtimet ndihmojnë njerëzit të rizbulojnë kuptimin e jetës së tyre, të nisin një jetë të re apo të përqendrohen në një projekt të ri. Të udhëtoni ju ndihmon ta shikoni jetën në një perspektivë të largët, si fizikisht edhe në mënyrë metaforike. Në këtë mënyrë, çdo gjë ju duket më e qartë.

Ju bëjnë më të lumtur

Nuk ka rëndësi nëse është një javë pushimesh, një udhëtim apo një piknik, këto përvoja ulin nivelin e stresit dhe ju çlodhin.

Ju ndihmojnë të punoni më mirë

Një studim i realizuar nga U.S. Travel Association ka treguar se punonjësit që shfrytëzojnë të gjitha ditët e pushimit në dispozicion, kanë 6,5 për qind mundësi më shumë të rriten në përgjegjësi se sa ata që nuk e braktisin kurrë tavolinën e punës. Shkëputja është e nevojshme për të rifituar energji.

Ju bëjnë më të durueshëm

Sa herë jeni zemëruar pasi treni juaj erdhi me vonesë? Në përgjithësi, pritja vë në sprovë të fortë psikikën tonë; të menaxhosh reagimet në raste të tilla është një ushtrim i mirë i rezistencës mendore. Përballja me vonesa e kultura të ndryshme ndërkohë që udhëtoni, ju bën njerëz më të duruar e më të aftë për të kuptuar të tjerët. Mos harroni se durimi është virtyt i njerëzve të fortë.

Ju ndihmojnë të përballoni një humbje

Kur humbim diçka apo dikë (punën, një lidhje, një person të dashur etj.) ndiejmë që një pjesë e rëndësishme e jona po na braktis, një pjesë e shpirtit tonë.
Një udhëtim mund t’ju ndihmojë të rigjeni veten, pasi gjatë udhëtimit nuk mund të kaloni në modalitetin e “pilotit automatik” dhe të jeni apatik.

Ju bëjnë të ndiheni gjallë

A e keni parasysh atë ndjesi kur zbrisni nga avioni dhe jeni të ndërgjegjshëm se ju presin përvoja të reja? Kur merrni frymë thellë dhe mendoni se jeta është e mrekullueshme?

Çfarë jeni duke pritur? Është ora të niseni!