Sot, Shqipëria luan me Italinë në Palermo për eliminatoret e Botërorit. Këto ditë, djemtë e Kombëtares kanë qenë të angazhuar në stërvitje intensive, megjithatë as humori nuk ka munguar.
Me anë të postimeve të tyre arrijmë të kuptojmë si e kalojnë kohën jashtë stërvitjes, në dhomat ku janë akomoduar.
Sigurisht, janë kujdesur për pamjen. Duket se Andi Lila madje ka marrë dhe rolin e berberit duke ndihmuar pak profesionistin e vërtetë që ka qenë në dhomat e futbollistëve.

Ndërkaq, edhe aktori i humorit, Besart Kallaku i ka takuar çunat në hotelin ku po qëndrojnë. Nuk e dimë çfarë i ka bërë bashkë fillimisht, por më pas ka qenë tavlla. Edhe pse nuk është e lehtë ta kuptosh të vërtetën në fjalët e Besit, duket se Andi ka fituar.

Besi dhe Andi janë takuar edhe më parë në 14 mars kur kanë drekuar me partneret dhe djalin e Andit, i cili këtë javë ka mbushur 2 vjeç.