Autori spanjoll Gabriel Garcia Marquez në një prej shkrimeve të tij shkruan për Gabon gazetar, një shkrim që inspiron të rinjtë që duan t`i futen rrugës së gazetarisë.

 “Gazetaria është një pasion që s’njeh kufij, që mund të përvetësohet e të humanizohet vetëm nëpërmjet një përballjeje që nxjerr shkëndija kur ndeshet me realitetin. Vetëm ata që e kanë këtë pasion në gjak mund ta kuptojnë këtë tërheqje magnetike që ushtron ajo, pasion që ushqehet nga paparashikuesh-mëria e jetës.”,- shkruante Marquez për profesionin e gazetarisë.

Por disa nga politikanët tanë nuk e deshën aq shumë gazetarinë sepse zgjodhën politikën. Fenomeni i kalimit nga gazetaria në politikë është i famshëm kudo në botë, dhe kjo nuk bën përjashtim as tek ne. Politikanët insistojnë vazhdimisht që të kufizojnë lirinë dhe pavarësinë e gazetarëve, e gazetarët nuk kanë mekanizma të mjaftueshëm për të vërtetuar faktet që ua plasojnë politikanët.

Shumë prej personaliteteve të politikës botërore i kanë pasur fillesat e tyre në profesionin e gazetarit. E në fakt, gazetarët kanë si qëllim të jenë “vëzhgues” të pavarur e objektiv të qeverisjes dhe problematikave të ndryshme. Dhe është interesante se si gazetarët që “sulmojnë” gjithnjë politiken, rendin drejt politikës, bëhen politikanë.

Në fakt në Shqipëri po ndodhin “çudira”, shohim gazetarë që bëhen politikanë, e politikanë që duan të bëhen gazetarë.

Mos kemi të bëjmë me një egomani të gazetarëve të cilët mendojnë se mund të jenë politikanë më të mirë se politikanët dhe politikanët që mendojnë se mund të bëhen gazetarë më të mirë se gazetarët?

Ja cilët janë gazetarët shqiptarë që lanë gazetarinë për të ju futur politikës:

I ndjeri Sokol Olldashi (PD)

Deputeti Erjon Braçe (PS)

Ish-ministrja Majlinda Bregu (PD)

Deputeti Ben Blushi (LIBRA)

Depuetit demokrat Astrit Patozi

Deputeti socialist Alfred Peza