Në një ditë kur duhet të flisnim vetëm për Arbanën ne ramë në kurthin tonë. Reagimet për gazetaren Xharra, e cila tani ka një status të ri, atë të kandidates për të qenë një deputete në Parlamentin e ri të Kosovës pas zgjedhjeve të parakohshme që do zhvillohen atje kanë qenë të konsiderueshme.

Nga Tirana zyrtare reagim në Facebook dhe Twitter ka patur ministri i Jashtëm, Ditmir Bushati, i cili shkruan: Dënoj dhunën e ushtruar ndaj gazetares Arbana Xharra! Liria e shprehjes dhe pluralizmi i mendimit janë elementë thelbësor për një shoqëri të hapur e demokratike!

Rudina Xhunga: Arbana Xharra, unë jam me ty. Më quaj të përfshirë në fushatën tënde. Të përqafoj fort. Me gjithë pezmin dhe inatin dhe ngashërimin dhe besimin tek vajzat e zonja si ti.
Turjan Hyska: Arbana Xharren, ata zhulsa që e sulmuan, jam i bindur që e bën me të fortë!  Arbana Xharres i dhanë një motiv akoma më të madh për të vazhduar dhe fituar luftën kundër injorancës, ekstremizmit apo shovinizmit që po tenton të kaploje Kosovën! Arbana Xharrës besoj ia forcuan bindjen që e ardhmja e shqiptareve është Perëndimi dhe jo Lindja! Arbana Xharres i treguan dhe njëherë se akoma ka shume meshkuj, që meshkuj kurrë s’do jenë nder shqiptarë! P.s Dje i kërkova qe mos te hiqte dore nga qëllimet e saj. Dhe sot jam akoma me i bindur që kjo zonjë do shkëlqejë në kënetën e burrave të lodhur të politikes panshqiptare. Madje s’ka nevojë fare për #jesuisArbana sepse mesa duket e paska fituar luften e saj! You rock!!!

Gazetarja dhe anëtarja e re e PDK-së në Kosovë, Arbana Xharra, është dhunuar fizikisht mbrëmë nga disa persona në Prishtinë. Ajo u dërgua në gjendje të rëndë në spital, por pas marrjes së ndihmës së nevojshme mjekësore gjendja e saj është e qëndrueshme. Ish kryeredaktorja e gazetës “Zëri” në Kosovë edhe më parë ka qenë e kërcënuar.