Kryesore
Sa kushton 1 sekondë reklamë në televizionet kombëtare?
Revista ekonomike Monitor ka bërë një studim të tregut të televizioneve në vend, kryesisht ata kryesorë. Në studimin e bërë, duket se një vend të veçantë kanë zënë edhe çmimet për sekondë, për reklama në televizionet kryesore të Shqipërisë.
Për vitin 2017, televizionet kanë bërë pak ndryshime në tarifat që aplikojnë për reklamat që transmetohen para programeve të caktuara, apo në mes të programit.
Top Channel për periudhën janar-dhjetor 2017 ka vendosur të mbajë pak a shumë të njëjtat tarifa për publicitetin me dy përjashtime. Transmetimi i një reklame para “Procesit Sportiv” është 1150 lekë/për sekondë, më lirë sesa një vit më parë.
Tek Klan, tarifat që aplikohen për reklamat kanë ndryshime të vogla në total 4, nëse krahasimin e bëjmë me ofertën e 2017 dhe 2016.
Reklamimi para “Aldo Morning Show” gjatë këtij viti kushton 1 euro më shumë për çdo sekondë, duke e çuar tarifën finale në 8 euro/sekonda. Për ndërprerjet publicitare gjatë emisioneve, rritje të tarifës kanë pasur emisioni “Opinion”, “Zonë e Lirë”, “Xing me Ermalin”, etj.
Vizion Plus ka të njëjtën panoramë sikurse edhe dy televizionet e tjera. Tarifat e saj për 2017 lidhur me reklamat nuk kanë ndryshuar. Më shtrenjtë edhe këtu kushton argëtimi, ku tarifa më e kripur është për emisionin “Dancing with the Stars” me një vlerë 7700 lekë/për sekondë, kurse “Al Pazar” dhe “Apartamenti 2XL” aplikojnë një tarifë 6600 lekë për reklamat që transmetohen gjatë ndërprerjeve.
Vazhdo leximin
Duhet të jeni i kyçur në mënyrë që të mund të lini një koment Kyçu