SOCIOLOGU REDI SHEHU: MOSNJOHJA E FESË DHE KEQDASHJA NA ÇON NË DHUNË DHE SHTYPJE (VIDEO)

Duke iu referuar perceptimit jo pozitiv të kohëve të fundit ndaj Islamit dhe myslimanëve, opinionisti dhe sociologu Redi Shehu përpiqet të hedhë pak dritë në këtë raport të caktuar që kanë individë të ndryshëm me këtë besim fetar.

Shehu e paraqiti pikëpamjen e tij në rrjetin komunikativ ndërkombëtar TEDx, i organizuar disa ditë më parë në Tiranë. Në këtë rrjet komunikativ individë të caktuar me një peshë dhe me një profil publik shpalosin idetë dhe vizionin e tyre mbi tema të caktuara të shoqërisë.

Në fjalimin e tij prej 20 minutash, Shehu është fokusuar në aspektin e mënyrës së perceptimit të islamit duke shpjeguar se nuk është feja ajo që i bën njerëzit e dhunshëm “Ka kaq shumë keqinformim në lidhje me myslimanët sa në syrin e medieve ata janë kthyer në stereotip të dhunës dhe të shtypjeve ndaj grave aq sa frika dhe makthi ndaj tyre transformohet në djegie xhamish apo dhunë ndaj vendeve myslimane . Sot në botë nuk ka përplasje qytetërimesh por sot në botë ka përplasje injorancash”