Radar
FOTO: Këta janë disa nga shatërvanët më të çuditshëm në botë
Mund të quhen pa frikë shatërvanët më të çuditshëm në botë. Kjo, për formën dhe ideimin e tyre. Ndodhen në Itali, Austri, Bruksel, Angli dhe normalisht nuk mungon Korea e Jugut. Më poshtë mund t’i sodisni:
Shatërvani i Neptunit
Shatërvani i Neptunit, pranë “Piazza Maggiore” në Itali. Shatërvani përbëhet nga statuja e Neptunit dhe në katër qoshet e tij ka katër statuja femrash, me trupin të përkulur pak mbrapa dhe duart tek gjoksi, nga i cili rrjedh uji.
“Swarovski” , krijuesi i gurëve të çmuar të njohur në të gjithë botën, ka ndërtuar një muze dhe një lulishte në Vaterns, Austri. Ky shatërvan madhështor qëndron në hyrje të tij.
Jeanneke Pis
“Jeanneke Pis” është një shatërvan modern në Bruksel, i cili është një kundërpërgjigje në këndvështrimin gjinor për veprën me të cilën identifikohet ky qytet, Manneken Pis. Statuja e lartë jo më shumë se gjysmë metri paraqet një vajzë të vogël duke urinuar. Çuditërisht, kjo statujë është shumë pak e njohur në krahasim me “Manneken Pis” (e cila paraqet një djalë të së njëjtës moshë duke urinuar).
Njeriu-shkemb
Një shaka e vogël me anët më pak të këndshme të qenies njerëzore. Ky është parimi mbi të cilin artisti Klaus Ueber ka krijuar shatërvanët prej shkëmbi në Londrën jugore. Ata janë krijuar në formën e një njeriu-shkëmb, që nxjerr ujë nga goja, sytë apo veshët. Pavarësisht pamjes jo dhe aq të këndshme, këta shatërvanë janë miqësorë me ambientin, pasi funksionojnë me ujë të ricikluar.
Ura Banpo ne Korene e Jugut
Ura Banpo në Seoul, Koreja e Jugut ka 9 380 vrima nga të cilat derdh ujin në të dyja anët e saj. Pamja të kujton historinë e Biblës, sipas të cilës Moisiu ndau Detin e Kuq dhe kaloi përmes tij.
Ky shatërvan hipnotizues është dizenjuar nga skulptori britanik Uilliam Paj dhe është vendosur në hyrje të “Seaham Hall” në Sanderland. Cilindri i tejdukshëm ka brenda ujë të filtruar, rrotullimi i të cilit krijon një vorbull të mahnitshme.
Mund të duket një foto e punuar në Photoshop, por Rubineti Magjik është në të vërtetë një shatërvan, i cili gjendet në Aqualand, në Spanjë. Shatërvani-rubinet ka një tub, i cili është i mbuluar nga uji.
Vazhdo leximin
Duhet të jeni i kyçur në mënyrë që të mund të lini një koment Kyçu