Vuani nga sinoziti, ja katër mënyra si të lehtësoni dhimbjet

Ndryshimet e temperaturës e luhatjet drastike në orare të ndryshme gjatë ditës na vendosin në dilemë.

Të gjendur përpara garderobës shumë prej nesh bëjnë zgjedhjet e gabuara! Në mëngjes është freskët, në drekë paksa më ngrohtë e në darkë edhe më ftohtë.

Nëse ju nuk visheni përshtat me kohën, do të fillojnë hundët të zihen apo të rrjedhin, kolla do t’ju ngacmojë e trupin do e ndjeni të lodhur. Këto janë shenjat e para të ftohjes, por para se këto simptoma t’ju shfaqen ju mund ta kuptoni nëse gripi po ju vjen afër falë sinuseve tuaja.

Sinuseve janë nën sulm gjatë gjithë kohës e mbledhin çdo gjë që gjendet në ajër duke ju shkaktuar alergji, infeksion, ftohje etj. Përpara se të vizitoni mjekun për të marrë të njëjtat ilaçe si çdo vit, ndiqni 4 hapat e mëposhtëm për ta pastruar sinuset në kushte shtëpiake.

Hapi 1: Masazh

Anojeni pak kokën në të djathtë dhe masazhoni muskujt poshtë veshit që vazhdojnë drejt qafës duke përfunduar në kockat e shpatullës. Kthejeni kokën në anën e majtë në një kënd 45 gradë e masazhoni të njëjtën pjesë të trupit.

Hapi 2: Masazhi i gishtit tregues

Përdorni lëvizjet rrethore me presion të butë dhe masazhoni pjesën poshtë syve për 30 sekonda.

Pas kësaj, masazhoni pjesën kockore të hundët dhe përhapni lëvizjet në drejtim të mollëzave.

Hapi 3: Zona e ballit

Kjo është zona ku sinuset e papastra krijojnë një dhimbje koke të padurueshme. Lyejeni ballin me pak vaj esencial si për shembull livando dhe masazhoni ballin.

Hapi 4:Bëni avuj

Mbi një tenxhere që vlon hidhni disa pika vaj esencial dhe duke mbuluar kokën me peshqir mbajeni fytyrën mbi tenxhere. Ngrohtësia e ujit avujt me aromën e livandos do t’ju qetësojnë brenda pak minutave.